Alapat nóserdiń saldarynan Ispaniia astanasy Madrid kóshelerin sý basty, dep habarlaidy Euronews.
«Madridte tolassyz jaýǵan nóser men burshaq saldarynan Ispaniia astanasynyń kóshelerin topan sý basty», - delingen habarlamada.
Birneshe avtojolda kólik qozǵalysy toqtatyldy, sýdyń aǵyny kólikterdi shaiyp áketken, metro men áýejaidyń jumysyna kedergi keltirilgen.
Jergilikti turǵyndardyń aitýynsha, olar dál mynadai jaǵdaidy alǵash ret kórip otyrǵan kórinedi. Qazirgi ýaqytta turǵyndar órt sóndirýshilermen birlesip kóshelerdi qalpyna keltirýge tyrysýda.
Sondai-aq, youtube-te kóshelerdiń býyrqanǵan ózenge ainalǵan sátiniń videosy jariialandy.
Qolaisyz aýa raiynyń saldarynan Ispaniianyń 17 óńiriniń 14-i zardap shekken. Meteoagenttik nóser jańbyr keibir aýdandarda tamyzdyń sońyna deiin jalǵasýy múmkin dep eskertedi.
