Madridte sońǵy birneshe jyldyń ishinde bolmaǵan qalyń qar jaýdy, dep habarlaidy "Ult aqparat".
Ispaniianyń memlekettik meterologiia agenttigi senbi kúni eldiń kóptegen provintsiiasynda eskertý jariialady, keibirinde tipti aýa raiynyń qaýiptiligi eń joǵary – qyzyl dárejege deiin kóterilgen. Kóriný men ushý-qoný jolaǵynyń jaǵdaiy nasharlaǵandyqtan halyqaralyq Madrid-Barahas áýejaiynyń jumysy toqtatylyp, 27 reis keiinge shegerildi. Memlekettik áýejailar basqarmasy (AENA) senbi kúni Twitter-de qaýipsizdik maqsatynda Barahastyń da jumysy toqtatylǵanyn habarlady.
Tabiǵat apaty saldarynan birneshe baǵyttaǵy temirjol qozǵalysy buzyldy. Astana meriiasy aýa raiynyń qolaisyzdyǵyna bailanysty avtobýstardyń júrmeitinin málimdedi.
Madridtegi qardyń qalyńdyǵy bir kún ishinde 20 sm-den asyp ketýi múmkin.
Aýa raiyna bailanysty qiyn jaǵdai basqa da ispan óńirlerinde jalǵasty. Keibir eldi mekenderde sabaq toqtatylǵan.
