مادريدتە سوڭعى بٸرنەشە جىلدىڭ ٸشٸندە بولماعان قالىڭ قار جاۋدى, دەپ حابارلايدى "ۇلت اقپارات".
يسپانييانىڭ مەملەكەتتٸك مەتەرولوگييا اگەنتتٸگٸ سەنبٸ كٷنٸ ەلدٸڭ كٶپتەگەن پروۆينتسيياسىندا ەسكەرتۋ جارييالادى, كەيبٸرٸندە تٸپتٸ اۋا رايىنىڭ قاۋٸپتٸلٸگٸ ەڭ جوعارى – قىزىل دەرەجەگە دەيٸن كٶتەرٸلگەن. كٶرٸنۋ مەن ۇشۋ-قونۋ جولاعىنىڭ جاعدايى ناشارلاعاندىقتان حالىقارالىق مادريد-باراحاس ەۋەجايىنىڭ جۇمىسى توقتاتىلىپ, 27 رەيس كەيٸنگە شەگەرٸلدٸ. مەملەكەتتٸك ەۋەجايلار باسقارماسى (AENA) سەنبٸ كٷنٸ Twitter-دە قاۋٸپسٸزدٸك ماقساتىندا باراحاستىڭ دا جۇمىسى توقتاتىلعانىن حابارلادى.
تابيعات اپاتى سالدارىنان بٸرنەشە باعىتتاعى تەمٸرجول قوزعالىسى بۇزىلدى. استانا مەريياسى اۋا رايىنىڭ قولايسىزدىعىنا بايلانىستى اۆتوبۋستاردىڭ جٷرمەيتٸنٸن مەلٸمدەدٸ.
مادريدتەگٸ قاردىڭ قالىڭدىعى بٸر كٷن ٸشٸندە 20 سم-دەن اسىپ كەتۋٸ مٷمكٸن.
اۋا رايىنا بايلانىستى قيىن جاعداي باسقا دا يسپان ٶڭٸرلەرٸندە جالعاستى. كەيبٸر ەلدٸ مەكەندەردە ساباق توقتاتىلعان.
