Memleket basshysynyń ókimimen Mádi Tókeshuly Takiev Qazaqstan Respýblikasy Prezidenti Ákimshiliginiń Áleýmettik-ekonomikalyq monitoring bóliminiń meńgerýshisi qyzmetine taǵaiyndaldy. Bul jóninde Aqordanyń baspasóz qyzmeti habarlady.
Mádi Takiev 1978 jyly 1 sáýirde Almaty oblysynda týǵan.
Qazaq memlekettik basqarý akademiiasyn «Býhgalterlik esep jáne aýdit» mamandyǵy boiynsha (1998); D. Qonaev atyndaǵy Gýmanitarlyq ýniversitetti «Quqyqtaný» mamandyǵy boiynsha (2005); Halyqaralyq biznes ýniversitetin «Iskerlik ákimshilendirý magistri» dárejesi boiynsha (2011) bitirgen.
Eńbek joly: Ǵylym ministrligi - QR Ǵylym akademiiasynyń Memleket jáne quqyq institýtynyń bas esepshisi (1998-2000); Almaty qalasynyń Salyq komitetinde inspektor, jetekshi inspektor, bas salyq inspektory, ShKS-men jumys, aýdit bóliminiń basshysy (2000-2008); Almaty oblysy boiynsha Salyq departamentiniń aktsizderdi ákimshilendirý bólimi, basqarmasy basshysy (2008-2009); Almaty qalasy boiynsha salyq departamenti basshysynyń orynbasary (2009-2012); QR QM Salyq komitetiniń basqarma basshysy (2012-2013); Ulttyq ekonomika jáne biýdjettik josparlaý ministrliginiń Salyq jáne keden saiasaty departamentiniń direktory (2013-2014); QR Premer-Ministri Keńsesi Áleýmettik-ekonomikalyq bóliminiń bas sarapshysy (2014); Atyraý oblysy boiynsha Memlekettik kirister departamentiniń basshysy (2014-2017); Qazaqstan Respýblikasynyń Qarjy ministrliginiń Salyqtyq baqylaý departamentiniń direktory-Memlekettik kirister komiteti tóraǵasy orynbasarynyń mindetin atqarýshy (2017-2019).
Qazirgi laýazymyn atqarýǵa 2019 jylǵy naýryzda kiristi.
«Eren eńbegi úshin» medalimen; «Qazaqstan Respýblikasynyń Táýelsizdigine 20 jyl», «Astana 20 jyl» merekelik medaldarymen marapattalǵan; «Salyq qyzmetiniń úzdigi» ataǵy bar.
Memleket basshysynyń ókimimen Maqsat Nurdáýletuly Muhanov Qazaqstan Respýblikasy Prezidenti Ákimshiliginiń Áleýmettik-ekonomikalyq monitoring bóliminiń meńgerýshisi qyzmetinen bosatyldy.
