Foto: Ulysmedia.kz
Qazaqstan Respýblikasynyń Mádeniet jáne aqparat ministrligi ULYS MEDIA portalynyń bas redaktory Samal Ibraevaǵa qatysty jasalǵan arandatýshylyqty qatań aiyptaitynyn jáne bul áreketti jol berýge bolmaityn óreskel kiberqylmys dep sanaitynyn jetkizdi, dep habarlaidy Ult.kz.
Ministrlik pornografiialyq kontent taratatyn jáne intimdik qyzmetterdi jarnamalaityn tyiym salynǵan internet-resýrstardy túgendeý jumystaryn kúsheitip, olardy jedel buǵattaý úshin óz quzyreti sheńberinde barlyq qajetti sharalardy qabyldaitynyn jetkizdi.
"Bul quqyqbuzýshylyqty jasaǵan adamdar anyqtalatynyna senim bildiremiz.
Qazaqstanda tsifrlyq zorlyq-zombylyq pen býllingke jol joq. Bul — memleketimizdiń qaǵidatty ustanymy", - delingen habarlamada.
Jýrnalist Samal Ibraeva ózine tsifrlyq shabýyl jasalǵanyn málimdep Toqaevtan kómek suraǵanyn jazǵan bolatynbyz.
