Mádeniet jáne sport ministriniń buiryǵymen mádeniet salasyndaǵy birqatar baǵynysty uiymdardyń basshylary taǵaiyndaldy, dep habarlaidy "Ult aqparat".
Vedomstvonyń málimetinshe, Jeńis Seidýllauly «J.Elebekov atyndaǵy respýblikalyq estrada-tsirk kolledji» RMQK direktory qyzmetine taǵaiyndaldy.
Jeńis Seidýllauly 1962 jyly 14 mamyrda Qyzylorda oblysynda dúniege kelgen. 1982 jyly Shymkent mýzyka ýchilishesin bitirgen, T. Júrgenov atyndaǵy Qazaq ulttyq óner akademiiasynyń túlegi.
Ár jyldary «Arqas» ansambliniń aspapshy-artisi, «Gúlder» memlekettik ansambliniń bas dirijeri, Súiinbai atyndaǵy Almaty oblystyq filarmoniiasynyń solisi bolyp jumys istegen.
«Gúlder» ansambliniń direktory, Almaty qalasy «Qazaq áýenderi» AQ óńirlik direktory, T.Júrgenov atyndaǵy Qazaq ulttyq óner akademiiasynyń shyǵarmashylyq jumys jáne syrtqy bailanystar jónindegi prorektory, J.Elebekov atyndaǵy respýblikalyq estrada-tsirk kolledjiniń direktory qyzmetterin atqarǵan.
2016-2018 jyldary - Jambyl atyndaǵy qazaq memlekettik filarmoniiasynyń direktory, 2018 jyldan bastap qazirgi ýaqytqa deiin «Qazaqkontsert» uiymyn basqarǵan.
Zýra Jumahmetova «O.Tańsyqbaev atyndaǵy Almaty sándik-qoldanbaly óner kolledji» RMQK direktory qyzmetine taǵaiyndaldy.
Zýra Jumahmetova 1967 jyly 4 qazanda Almaty oblysynda dúniege kelgen.
1989 jyly Abai atyndaǵy Qazaq pedagogikalyq institýtyn bitirgen. Bilim berý júiesinde jumys tájiribesi mol.
2004 - 2013 jyldar aralyǵynda T. Júrgenov atyndaǵy Qazaq ulttyq óner akademiiasynyń oqý-ádistemelik bóliminiń jáne oqý bóliminiń meńgerýshisi bolyp qyzmet istegen.
2013-2015 jyldary T. Júrgenov atyndaǵy Qazaq ulttyq óner akademiiasynyń mektep-internat, kolledj basshysynyń oqý isi jónindegi orynbasary.
2015 jyldan bastap qazirgi ýaqytqa deiin T. Júrgenov atyndaǵy Qazaq ulttyq óner akademiiasynyń mektep-internat, kolledjiniń basshysy qyzmetin atqarǵan.
Gúlaiym Jumabekova «Ábilhan Qasteev atyndaǵy QR Memlekettik óner mýzeii» RMQK direktory qyzmetine taǵaiyndaldy.
Gúlaiym Jumabekova 1966 jyly 20 maýsymda Almaty qalasynda dúniege kelgen. 1989 jyly Abai atyndaǵy Qazaq pedagogikalyq institýtyn bitirgen.
1991 jyldan 2013 jylǵa deiin ár túrli laýazymdardy atqarǵan, Á.Qasteev atyndaǵy óner mýzeiinde ekskýrsiia júrgizýshi, redaktor, ǵylymi qyzmetker, aǵa ǵylymi qyzmetker, zergerlik óner sektorynyń basshysy laýazymynda bolǵan.
2013 jyldan bastap qazirgi ýaqytqa deiin qoldanbaly óner bóliminiń basshysy qyzmetin atqardy.
Asylbek Baiajuma «Geraldikalyq zertteýler ortalyǵy» RMM direktory qyzmetine taǵaiyndaldy.
Asylbek Baiajuma 1978 jyly 25 jeltoqsanda Mońǵoliia astanasy Ulan-Batyr qalasynda dúniege kelgen.
2001 jyly Kókshetaý ýniversitetin «saiasattaný» mamandyǵy boiynsha bitirgen.
Ár jyldary Aqmola oblysynyń ishki saiasat salasynda qyzmet istegen, 2019 jylǵy shildeden bastap qazirgi ýaqytqa deiin Qazaqstan Respýblikasy Aqparat jáne qoǵamdyq damý ministrligi Din isteri komitetiniń jiyntyq taldaý jáne josparlaý basqarmasynyń basshysy qyzmetin atqarǵan.
