Qazaqstandyq tanymal Mad Men tobynyń múshelerine uiymdasqan qylmystyq top qurdy jáne oǵan qatysty degen aiyp taǵyldy, - dep habarlaidy Polisia.kz.
Politsiia málimeti boiynsha, turaqty esirtki jelisi bir ai buryn joiylǵan. Onyń quramynda 21 jastan 30 jasqa deiingi 10 adam bolǵan. Topty 27 jastaǵy H basqarady.
"Esirtki qylmysyna qarsy kúres basqarmasy qyzmetkerleriniń kózine H. esimdi er adam 2020 jyldyń qyrkúieginde túsken. Qolda bar jedel málimetterge sáikes, toptaǵy adam bir jyl boiy Almatyda sintetikalyq esirtkini óndirý jáne satýmen ainalysqan. H. esimdi er adam jáne onyń "kómekshileriniń" qylmystyq áreketteri resmi túrde qujattalǵan. Onyń ár kómekshisiniń rólderi naqty qoiylǵan. Mysaly, logistikalyq kompaniia arqyly Resei Federatsiiasynan sintetikalyq esirtki zattaryn óndirýge arnalǵan komponentterdi jetkizýge úsh adam jaýap beredi. Olardyń biri qyz, eki jas jigit – kassa qyzmeti, ótinimder qabyldaý jáne esirtkini taratatyndarǵa jaýap beredi. Taǵy tórt er adam – esirtki taratýshylar qalanyń Naýryzbai, Bostandyq jáne Alataý aýdandarynda júrgen", - dedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Almaǵambetov.
Iske qatysy bar kúdiktilerge QR QK-nyń 262-baby 1 jáne 2-bóliginde kózdelgen UQT qurý jáne oǵan basshylyq etý deregi boiynsha aiyp taǵylǵan. Kúdiktiler sot sanktsiiasymen qamaýǵa alyndy. Sotaldy tergeý júrgizilip jatyr.
Aita keteiik, buǵan deiin Almaty politsiiasy sintetikalyq esirtki óndirýmen jáne satýmen ainalysty degen kúdikpen bir top adamdy ustaǵany habarlanǵan bolatyn. Olardyń qatarynda jastar arasynda tanymal Mad Men tobynyń solisi bar degen aqparat shyqty. Keiin tártip saqshylary esirtiki qylmysyna qatysy bar 10 adamnyń ekeýi Mad Men tobynyń ánshisi ekenin rastady.
Mad Men Q-ror tobynyń ustalǵan ánshileri 15 jylǵa deiin bas bostandyǵynan aiyrylýy múmkin.
