QR Úkimetiniń Qaýlysymen jáne QR Prezident Ákimshiliginiń Basshysynyń kelisimi boiynsha Liýdmila Biýrabekova QR densaýlyq saqtaý vitse-ministri bolyp taǵaiyndaldy jáne buǵan deiingi Densaýlyq saqtaý ministrliginiń Taýarlar men qyzmetter qaýipsizdigi jáne sapasyn baqylaý komitetiniń tóraiymy qyzmetinen bosatyldy, dep habarlaidy "Ult aqparat" primeminister.kz saityna silteme jasap.
Liýdmila Biýrabekova 1973 jyly Qaraǵandy oblysynda dúniege kelgen. 1997 jyly Qaraǵandy memlekettik meditsina akademiiasyn, 2004 jyly Qazaq farmatsevtika institýtyn, 2014 jyly Halyqaralyq biznes akademiiasyn támamdaǵan. Mamandyǵy boiynsha – dáriger, provizor, iskerlik ákimshiliktendirý magistri.
Eńbek jolyn 2004 jyly H.J. Maqajanov atyndaǵy Qaraǵandy kópsalaly klinikalyq aýrýhanasynda dáriger-farmakolog bolyp bastaǵan.
2005-2007 jj. Qaraǵandy oblystyq densaýlyq saqtaý basqarmasynyń bas mamany bolyp jumys istedi.
2007-2009 jj. — Batys Qazaqstan oblystyq densaýlyq saqtaý basqarmasynyń strategiialyq damý jáne dári-dármekter saiasaty jónindegi bastyǵynyń orynbasary.
2009-2010 jj. QR Densaýlyq saqtaý ministrliginiń Meditsina jáne farmatsevtikalyq qyzmetti baqylaý komitetiniń farmatsevtikalyq qyzmetti, dári-dármekter sapasyn men qoldanylýyn baqylaý basqarmasynyń bastyǵy qyzmetin atqardy.
2010 j. — QR Densaýlyq saqtaý ministrliginiń Meditsinalyq jáne farmatsevtikalyq qyzmetti baqylaý komitetiniń tóraǵasynyń orynbasary.
2011 j. — Respýblikalyq balalar ońaltý ortalyǵynyń strategiialyq damý jáne qaýipsizdik basqarmasynyń bastyǵy.
2011-2013 jj. - Ulttyq meditsinalyq holdinginiń Meditsinalyq kómekti uiymdastyrý departamentiniń direktory, bas menedjeri.
2013-2014 jj. QR Densaýlyq saqtaý ministrliginiń «Respýblikalyq sanitarlyq aviatsiia ortalyǵy» oqý-klinikalyq bóliminiń bastyǵy bolyp eńbek etti.
2014 j. — Meditsinalyq tehnologiialar jáne aqparattyq júieler ortalyǵynyń vitse-prezidenti.
2014–2017 jj. QR Prezidenti Is basqarmasynyń Meditsina ortalyǵynyń bas inspektory, basshysynyń orynbasary bolyp eńbek etken.
2017-2019 jj. QR Densaýlyq saqtaý ministrliginiń Farmatsiia komitetiniń tóraiymy boldy.
2019 jylǵy mamyr aiynan qazirge deiin - Densaýlyq saqtaý ministrliginiń Taýarlar men qyzmetter qaýipsizdigi jáne sapasyn baqylaý komitetiniń tóraiymy.
