Foto: canva
Joba avtorlary bolashaq kartinany derekti film formatynda túsirýdi kózdeidi, dep habarlaidy BILD basylymy.
Frantsiianyń eń áigili mýzeiindegi urlyq tarihy Gollivýd stsenaristeriniń fantaziiasyna suranyp turǵan oqiǵa edi. Sondyqtan bul siýjet bir kúni úlken ekranǵa shyǵatyny áýel bastan-aq anyq bolatyn. The Hollywood Reporter jazǵandai, filmge aindyrýǵa qatysty naqty josparlar jasalyp qoiǵan.
Onda qylmystyń qalai jasalǵany ǵana emes, tergeýdiń ár sáti, qylmyskerlerdi izdeý operatsiiasy da naqty ýaqyt rejiminde kórsetilmek. Sonymen qatar urlanǵan zergerlik buiymdardyń qaida ketýi múmkin ekeni qara naryq pa, álde Antverpendegi almaz saýdasy ma, bári jan-jaqty zertteletin bolady.
Filmniń artynda amerikalyq rejisser Ar Djei Katler men frantsýz derekti film mamany Loran Býzero tur. Olar qazirdiń ózinde trý-kraim men triller janryn biriktiretin jobany qolǵa alǵan. Kartinanyń maqsaty – politsiia tergeýshileriniń jumysyn barynsha shynaiy túrde kórsetý. Avtorlardyń aitýynsha, filmde oqiǵanyń kýágerleri, mýzei qyzmetkerleri jáne qala turǵyndary da sóz alady.
Eske sala keteiik, 19 qazanda tórt qaraqshy qurylysshylardyń kiimin kiip, mobildi kótergish arqyly mýzeidiń terezesinen ishke kirip, 80 million eýro turatyn zergerlik buiymdardy alyp ketken edi. Qazir birneshe kúdikti ustalǵanymen, baǵaly áshekeilerdiń qaida ekeni hâli belgisiz. Tergeý toby qaraqshylyqqa qatysy bar ózge adamdardy jáne qylmysty uiymdastyrýshylardy izdeýdi jalǵastyryp jatyr.
