فوتو: canva
جوبا اۆتورلارى بولاشاق كارتينانى دەرەكتٸ فيلم فورماتىندا تٷسٸرۋدٸ كٶزدەيدٸ, دەپ حابارلايدى BILD باسىلىمى.
فرانتسييانىڭ ەڭ ەيگٸلٸ مۋزەيٸندەگٸ ۇرلىق تاريحى گولليۆۋد ستسەناريستەرٸنٸڭ فانتازيياسىنا سۇرانىپ تۇرعان وقيعا ەدٸ. سوندىقتان بۇل سيۋجەت بٸر كٷنٸ ٷلكەن ەكرانعا شىعاتىنى ەۋەل باستان-اق انىق بولاتىن. The Hollywood Reporter جازعانداي, فيلمگە ايندىرۋعا قاتىستى ناقتى جوسپارلار جاسالىپ قويعان.
وندا قىلمىستىڭ قالاي جاسالعانى عانا ەمەس, تەرگەۋدٸڭ ەر سەتٸ, قىلمىسكەرلەردٸ ٸزدەۋ وپەراتسيياسى دا ناقتى ۋاقىت رەجيمٸندە كٶرسەتٸلمەك. سونىمەن قاتار ۇرلانعان زەرگەرلٸك بۇيىمداردىڭ قايدا كەتۋٸ مٷمكٸن ەكەنٸ قارا نارىق پا, ەلدە انتۆەرپەندەگٸ الماز ساۋداسى ما, بەرٸ جان-جاقتى زەرتتەلەتٸن بولادى.
فيلمنٸڭ ارتىندا امەريكالىق رەجيسسەر ار دجەي كاتلەر مەن فرانتسۋز دەرەكتٸ فيلم مامانى لوران بۋزەرو تۇر. ولار قازٸردٸڭ ٶزٸندە ترۋ-كرايم مەن تريللەر جانرىن بٸرٸكتٸرەتٸن جوبانى قولعا العان. كارتينانىڭ ماقساتى – پوليتسييا تەرگەۋشٸلەرٸنٸڭ جۇمىسىن بارىنشا شىنايى تٷردە كٶرسەتۋ. اۆتورلاردىڭ ايتۋىنشا, فيلمدە وقيعانىڭ كۋەگەرلەرٸ, مۋزەي قىزمەتكەرلەرٸ جەنە قالا تۇرعىندارى دا سٶز الادى.
ەسكە سالا كەتەيٸك, 19 قازاندا تٶرت قاراقشى قۇرىلىسشىلاردىڭ كيٸمٸن كيٸپ, موبيلدٸ كٶتەرگٸش ارقىلى مۋزەيدٸڭ تەرەزەسٸنەن ٸشكە كٸرٸپ, 80 ميلليون ەۋرو تۇراتىن زەرگەرلٸك بۇيىمداردى الىپ كەتكەن ەدٸ. قازٸر بٸرنەشە كٷدٸكتٸ ۇستالعانىمەن, باعالى ەشەكەيلەردٸڭ قايدا ەكەنٸ hâلٸ بەلگٸسٸز. تەرگەۋ توبى قاراقشىلىققا قاتىسى بار ٶزگە ادامداردى جەنە قىلمىستى ۇيىمداستىرۋشىلاردى ٸزدەۋدٸ جالعاستىرىپ جاتىر.
