Foto: ashyq derekkóz
Prezidenttiń Frantsiiaǵa resmi sapary qarsańynda QR Mádeniet jáne aqparat ministri Aida Balaeva Lývr mýzeiiniń prezident-direktory Lorans de Karmen kezdesý ótkizdi.
Taraptar Qazaqstan mýzeileri men Lývr arasynda birlesken seminarlar men konferentsiialar ótkizý arqyly tájiribe almasý múmkindigin talqylady.
Yntymaqtastyq ǵylymi-zertteý, arheologiialyq zertteýler, ǵylymi materialdar jariialaý jáne mýzei isindegi tájiribe almasý baǵyttaryn da qamtýy múmkin.
«Bizdi Qazaqstannyń mádeni murasyn zertteý boiynsha birlesken ǵylymi jumysqa qatysty yntymaqtastyq qyzyqtyrady. QR Ulttyq mýzeiiniń janynan restavratsiia ortalyǵyn ashýdy josparlap otyrmyz. Sondyqtan Lývr mýzeiiniń ǵylymi, kadrlardy daiarlaý, kórmeler uiymdastyrý boiynsha qoldaýyn alǵymyz keledi», – dedi Aida Balaeva.
Ministr qazaqstandyq mamandar úshin master-klasstar men taǵylymdamalar uiymdastyrý kásibi bilim almasý men Qazaqstanda mýzei isin jetildirýde mańyzdy qadam bolatynyn erekshe atap ótti.
«Biz yntymaqtastyqqa, sonyń ishinde kórmelerdi birlesip uiymdastyrýǵa da daiynbyz», – dedi Lorans de Kar.
