Germaniia Minskiniń Belarýs-Polsha shekarasyndaǵy ýaqytsha lagerde jatqan 2 myń migrantty qabyldaý jónindegi usynysyn qabyldamady.
Bul jóninde "Nemis tolqyny" qyzmeti habarlady.
Al Belarýs quqyq qorǵaý organdary shekara mańyna migranttardy jiberýdi jalǵastyryp jatyr. Polsha shekara qyzmeti 21 qarashada 150 adam Dýbiche-Tserkevne qalashyǵyndaǵy qorshaýdy buzýǵa talpyndy dep habarlady. Migranttardyń is-áreketi Belarýs arnaiy qyzmeti tarapynan baqylanyp turdy, - dep habarlaidy "Nemis tolqyny".
2020 jyly Belarýste ótken prezident sailaýynan keiin Eýroodaq tarapynan moiyndalmai kele jatqan Aleksandr Lýkashenko Angela Merkelge Germaniia 2 myń bosqyndy qabyldasyn degen ótinish jasaǵanyn aitty. Lýkashenkonyń aitýynsha, Merkel bul máseleni qaraýǵa ýáde bergen, biraq áli jaýap joq.
Germaniia men EO-nyń ózge elderiniń synyna qaramastan, Merkel ótken aptada Lýkashenkoǵa eki ret qońyraý shalǵan. Germaniia resmi ókili Shteffen Zaiberttiń aitýynsha, maqsat lagerdegi aýyr jaǵdaidy jaqsartý jóninde usynys aitý bolǵan, biraq Lýkashenko qońyraýǵa jaýap bermegen.
EO Belarýstaǵy migranttarǵa gýmanitarlyq kómek retinde 700 myń eýro jibergen.
2021 jyldyń mamyr aiynan bastap Taiaý Shyǵystan Eýroodaq elderine migranttar aǵyny ósip jatyr.
