گەرمانييا مينسكٸنٸڭ بەلارۋس-پولشا شەكاراسىنداعى ۋاقىتشا لاگەردە جاتقان 2 مىڭ ميگرانتتى قابىلداۋ جٶنٸندەگٸ ۇسىنىسىن قابىلدامادى.
بۇل جٶنٸندە "نەمٸس تولقىنى" قىزمەتٸ حابارلادى.
ال بەلارۋس قۇقىق قورعاۋ ورگاندارى شەكارا ماڭىنا ميگرانتتاردى جٸبەرۋدٸ جالعاستىرىپ جاتىر. پولشا شەكارا قىزمەتٸ 21 قاراشادا 150 ادام دۋبيچە-تسەركەۆنە قالاشىعىنداعى قورشاۋدى بۇزۋعا تالپىندى دەپ حابارلادى. ميگرانتتاردىڭ ٸس-ەرەكەتٸ بەلارۋس ارنايى قىزمەتٸ تاراپىنان باقىلانىپ تۇردى, - دەپ حابارلايدى "نەمٸس تولقىنى".
2020 جىلى بەلارۋستە ٶتكەن پرەزيدەنت سايلاۋىنان كەيٸن ەۋرووداق تاراپىنان مويىندالماي كەلە جاتقان الەكساندر لۋكاشەنكو انگەلا مەركەلگە گەرمانييا 2 مىڭ بوسقىندى قابىلداسىن دەگەن ٶتٸنٸش جاساعانىن ايتتى. لۋكاشەنكونىڭ ايتۋىنشا, مەركەل بۇل مەسەلەنٸ قاراۋعا ۋەدە بەرگەن, بٸراق ەلٸ جاۋاپ جوق.
گەرمانييا مەن ەو-نىڭ ٶزگە ەلدەرٸنٸڭ سىنىنا قاراماستان, مەركەل ٶتكەن اپتادا لۋكاشەنكوعا ەكٸ رەت قوڭىراۋ شالعان. گەرمانييا رەسمي ٶكٸلٸ شتەففەن زايبەرتتٸڭ ايتۋىنشا, ماقسات لاگەردەگٸ اۋىر جاعدايدى جاقسارتۋ جٶنٸندە ۇسىنىس ايتۋ بولعان, بٸراق لۋكاشەنكو قوڭىراۋعا جاۋاپ بەرمەگەن.
ەو بەلارۋستاعى ميگرانتتارعا گۋمانيتارلىق كٶمەك رەتٸندە 700 مىڭ ەۋرو جٸبەرگەن.
2021 جىلدىڭ مامىر ايىنان باستاپ تاياۋ شىعىستان ەۋرووداق ەلدەرٸنە ميگرانتتار اعىنى ٶسٸپ جاتىر.
