AQSh-ta Meksika shyǵanaǵyndaǵy daýyl saldarynan Lýiziana shtaty jaǵalaýynda bortynda on segiz adamy bar kommertsiialyq keme apatqa ushyrady. Jaǵalaý kúzeti kemeniń alty jolaýshysyn qutqara aldy, on eki adam izdestirilýde, dep habarlaidy The New York Times basylymy.
Atap ótilgendei, apat týraly dabyl qutqarýshylarǵa seisenbi kúni jergilikti ýaqyt boiynsha keshqurym túsken. Qutqarý jumystaryna eki kater, eki qaiyq, tikushaq jáne tórt azamattyq keme tartyldy.
Ońtústik Amerikanyń Arkanzas, Florida, Lýiziana jáne Missisipi shtattarynda sońǵy kúnderi aýa-raiynyń qolaisyzdyǵy saldarynan 20 myńǵa jýyq ǵimarat elektr jaryǵynsyz qaldy dep habarlandy. Lýiziana shtatynda eki adam qaza tapty, kóptegen turǵyn tornado saldarynan jaraqat aldy.
