Foto: Polisia.kz
Túrkistan oblysynda turǵyndardan alaiaqtyqpen aqsha alyp, qumar oiynǵa salyp jibergen kúdikti ustaldy, – dep habarlaidy «Ult aqparat» Polisia.kz-ke silteme jasap.
Jedel-izdestirý is-sharalary kezinde Sozaq aýdandyq politsiia bóliminiń qyzmetkerleri alaiaqtyq qylmysyn jasady degen kúdikpen buryn sotty bolǵan 35 jastaǵy jergilikti turǵyndy qolǵa túsirdi.
Kúdikti er adam óziniń tanysyn kásiporyndardyń birinde operator qyzmetine jumysqa ornalastyryp beremin degen jeleýmen senimine kirgen. Odan jalpy somasy bir millionǵa jýyq qarjysyn alyp, bailanysqa shyqpai, “izin sýytqan”.
Tártip saqshylary budan bólek onyń taǵy eki alaiaqtyqqa qatysy baryn anyqtady. Keltirilgen shyǵyn kólemi 3 million teńgeden astam. Ol jábirlenýshilerden alǵan iri kólemdegi aqshany qumar oiynǵa jumsap jibergen. Qazirgi tańda kúdiktiniń qylmystyq isi sotqa ótti.
