فوتو: Polisia.kz
تٷركٸستان وبلىسىندا تۇرعىنداردان الاياقتىقپەن اقشا الىپ, قۇمار ويىنعا سالىپ جٸبەرگەن كٷدٸكتٸ ۇستالدى, – دەپ حابارلايدى «ۇلت اقپارات» Polisia.kz-كە سٸلتەمە جاساپ.
جەدەل-ٸزدەستٸرۋ ٸس-شارالارى كەزٸندە سوزاق اۋداندىق پوليتسييا بٶلٸمٸنٸڭ قىزمەتكەرلەرٸ الاياقتىق قىلمىسىن جاسادى دەگەن كٷدٸكپەن بۇرىن سوتتى بولعان 35 جاستاعى جەرگٸلٸكتٸ تۇرعىندى قولعا تٷسٸردٸ.
كٷدٸكتٸ ەر ادام ٶزٸنٸڭ تانىسىن كەسٸپورىنداردىڭ بٸرٸندە وپەراتور قىزمەتٸنە جۇمىسقا ورنالاستىرىپ بەرەمٸن دەگەن جەلەۋمەن سەنٸمٸنە كٸرگەن. ودان جالپى سوماسى بٸر ميلليونعا جۋىق قارجىسىن الىپ, بايلانىسقا شىقپاي, “ٸزٸن سۋىتقان”.
تەرتٸپ ساقشىلارى بۇدان بٶلەك ونىڭ تاعى ەكٸ الاياقتىققا قاتىسى بارىن انىقتادى. كەلتٸرٸلگەن شىعىن كٶلەمٸ 3 ميلليون تەڭگەدەن استام. ول جەبٸرلەنۋشٸلەردەن العان ٸرٸ كٶلەمدەگٸ اقشانى قۇمار ويىنعا جۇمساپ جٸبەرگەن. قازٸرگٸ تاڭدا كٷدٸكتٸنٸڭ قىلمىستىق ٸسٸ سوتقا ٶتتٸ.
