LRT jobasynyń «Astana bankinde» qalyp qoiǵan qarajatyn qaitarý jumysy júrip jatyr. Bul týraly búgin Ortalyq kommýnikatsiialar qyzmetindegi baspasóz máslihatynda Nur-Sultan qalasynyń ákimi Altai Kólginov aitty, dep habarlaidy "Ult aqparat".
«Astana bankinen» qarajatty qaitarý máselesi boiynsha jumys júrgizilip jatyr. Biraq, bul bir kúndik sharýa emes. Onda jer ýchaskesi, ǵimarat, kólikter bar. Jalpy, jyl qorytyndysynda biz bul istiń nátijesin aitamyz. Bul dúnie-múliktiń barlyǵyn sot arqyly tárkilep, satý qajet. Bul másele bizdiń baqylaýymyzda tur», - dedi elorda ákimi BAQ ókilderiniń saýalyna orai.
Sonymen qatar ol LRT jobasy aiaqtalǵannan keiin jolaqy qandai bolýy múmkin ekenin aitty.
«Búkil álemde qoǵamdyq kólik sýbsidiialanady. Bilet quny qansha bolatynyna qatysty ázirshe esepteý júrgizilgen joq. Salyp bitkennen keiin barlyq esep túsinikti bolady», - dedi Altai Kólginov.
Buǵan deiin Nur-Sultan qalasynyń ákimi LRT qurylysyn ońtailaýdyń nátijesinde shamamen 1,2 mlrd dollar qarajat únemdelgenin aitqan bolatyn.
