foto: Tengrinews.kz
Premer-Ministr Álihan Smaiylov «LRT» jobasyn paidalaný tásilderin ázirleýdi elorda ákimdigi men Indýstriia jáne infraqurylymdyq damý ministrligine júktedi, dep habarlady QazAqparat.
«Besinshi. Memleket basshysy atap ótkendei, básekeles ortaǵa beriletin aktivterdi irikteý tásilderi anyqtalmaǵan. Ulttyq ekonomika ministrligi Básekelestikti qorǵaý agenttigimen, Qarjy, Ádilet ministrlikterimen jáne «Atameken» kásipkerler palatasymen birlesip, biylǵy 1 aqpanǵa deiin básekeles ortaǵa berilýge tiis aktivterdi irikteý tásilderin ázirlep, tiisti qaýly jobasyn Úkimetke engizýdi tapsyramyn», - degen Premer-Ministr biýdjetaralyq qatynastardyń qoldanystaǵy júiesin qaita qaraý boiynsha birqatar tapsyrma berdi.
«Ortalyq pen óńirler arasyndaǵy biýdjetaralyq qatynastar qaǵidalaryn bárine túsinikti bolatyndai etip jasaý qajet. Osyǵan bailanysty, Ulttyq ekonomika ministrligi biýdjet zańnamasyna engiziletin túzetýlerdi daiyndap jalpy sipattaǵy transfertterdi esepteý ádistemesin jetildirýi qajet», - dedi ol Úkimet otyrysynda.
Úkimet basshysynyń aitýynsha, budan bylai «Aýyl – el besigi», «Biznestiń jol kartasy» siiaqty salalyq baǵdarlamalar Batys jáne Ońtústik óńirlerde belsendi iske asyrylmaq.
«Jetinshi, Ulttyq ekonomika ministrligi múddeli memlekettik organdarmen Batys jáne Ońtústik óńirlerdiń ákimdikterimen birlesip, «Aýyl – el besigi», «Biznestiń jol kartasy» jáne basqa da salalyq baǵdarlamalar aiasynda jekelegen baǵyttardy ázirleýi qajet.
Segizinshi. Elorda ákimdigi Indýstriia ministrligimen birlesip, «LRT» jobasyn paidalaný tásilderi boiynsha naqty usynystar engizsin», - dedi Álihan Smaiylov.
