Foto: taunews.kz
LRT 2024 jyldyń aiaǵyna deiin aiaqtalady dep josparlanyp otyr. Bul týraly elorda ákimi Jeńis Qasymbek aitty, - dep habarlaidy Tengrinews.kz portaly "Habar 24"telearnasyna silteme jasap.
Jeńis Qasymbektiń aitýynsha, kólik júiesi qurylysynyń kelesi kezeńi 2022 jyly bastalǵan. Jumysty eki jyl ishinde aiaqtaý josparlanyp otyr.
"Alǵashqy somany byltyr Úkimet bóldi. Biyl bul nysannyń qurylysy belsendi túrde júrgizilip jatyr. Mobilizatsiialaý jumystary, sondai-aq LRT-de jumys isteitin bolashaq poiyzdar, tehnika boiynsha avanstyq tólemder júrgizilip jatyr. Joba 2023-2024 jyldar aralyǵynda júzege asyrylady dep josparlanǵan, kelesi jyldyń aiaǵyna deiin iske qosylýy tiis", - dedi qala ákimi.
Eske salaiyq, buǵan deiin Prezident Qasym-Jomart Toqaev LRT qurylysy toqtatylatyn bolsa, shyǵyn budan da kóp bolatynyn aitqan bolatyn. "Men LRT jobasynyń negizi qate bolǵanyn aittym. Biraq qazir basqa amalymyz joq. Biz bul jobany júzege asyrýymyz kerek", - dedi ol.
