Nur-Sultanda LRT isi boiynsha sot tergeýi qaita qozǵaldy, dep habarlaidy "Ult aqparat".
«Sot osy qylmystyq is boiynsha sot tergeýin qaita qozǵaý qaýlysyn shyǵardy. Bul is boiynsha keibir túsiniksizdik pen kúdikter paida boldy. Osy oraida tyiym salynǵan múlik boiynsha qaralyp otyrǵan iske bailanysty birqatar mán-jaidy anyqtaý úshin jasaldy», - dedi Nur-Sultan qalalyq qylmystyq isteri jónindegi mamandandyrylǵan aýdanaralyq sotynyń sýdiasy Qajymuqan Mekemtas.
«Istiń mán-jaiyn anyqtaý kerek. Sot tarapynan sottalýshy Abdyhamitovke qatysty birneshe suraq týyndap otyr», - dedi sýdia otyrys barysynda.
Sot saǵat 3.00-ge deiin úzilis jasady.
Eske salsaq, is sotqa 2020 jyldyń 2 qazanynda joldandy.
Elordadaǵy LRT isi boiynsha alǵashqy sot otyrysy 2020 jyldyń 29 qazanyna belgilengen edi.
Sottalýshylar retinde qalanyń Jolaýshylar kóligi jáne avtokólik joldary basqarmasynyń burynǵy bastyǵy Rashid Amanjolov, burynǵy depýtat ári máslihat hatshysy Janat Nurpeiisov, «Astana Innovations» AQ burynǵy basshysy Talǵat Áshim, sonymen qatar ártúrli kásiporyndardyń qyzmetkerleri Ulyqbek Achilov, Timýr Qasabaev, Dýlat Músenov pen Dáýren Abdyhamitov jaýap beretini habarlanǵan edi.
