QR Qarjy naryǵyn retteý jáne damytý agenttiginiń málimetinshe, lombardtar mindetti túrde agenttikte tirkeýden ótýge tiis, dep habarlaidy "Ult aqparat".
2019 jylǵy 3 shildedegi «Mikroqarjylyq qyzmet týraly» zańǵa sáikes lombardtardyń jeke tulǵalarǵa mikrokredit berý qyzmeti 2020 jylǵy 1 qańtardan bastap mikroqarjylyq qyzmetke jatqyzylǵan.
«Bul rette óz qyzmetin júzege asyrý úshin lombardtar 2020 jylǵy 1 shildeden keiin Qazaqstan Respýblikasynyń Qarjy naryǵyn retteý jáne damytý agenttiginde eseptik tirkeýden ótýi qajet. Odan keiin agenttik osy uiymdardy rettep otyrady. Búginde lombardtardyń bir de bireýi eseptik tirkeýden ótý úshin agenttikke ótinish jasamaǵan jáne tiisinshe, mikroqarjy uiymdarynyń tiziliminde joq» delingen habarlamada.
Eseptik tirkeýden ótken mikroqarjy uiymdarynyń tizimimen myna silteme arqyly tanysa alasyzdar.
Qarjy naryǵyn retteý agenttigi lombardtardyń qyzmetin retteýdi olar eseptik tirkeýden ótkennen keiin bastaidy.
«Osyny eskere otyryp, lombardtardyń qyzmetin paidalanǵan kezde qol qoiý aldynda barlyq qujattardy muqiiat zerdeleýge keńes beremiz. Lombardtardyń qyzmeti QR Azamattyq kodeksimen retteledi, oǵan sáikes lombardtar halyqqa mikroqaryz berýge quqyly. Qazaqstan Respýblikasynyń aýmaǵynda halyqtan aqshany tek ekinshi deńgeidegi bankter, sondai-aq Ulttyq pochta operatory agenttik atynan ýákiletti memlekettik organ bergen litsenziia negizinde tarta alady. Qarjy retteýshisiniń litsenziiasy joq nemese agenttikte eseptik tirkeýden ótpegen kompaniialarmen sharttyq qatynastarǵa túse otyryp, azamat barlyq yqtimal táýekelderdi óz betinshe baǵalaýǵa jáne óz áreketteri úshin jaýapty bolýǵa tiis ekendigine nazar aýdarǵan jón» deidi agenttikten.
Eske sala ketsek, QR Ishki ister ministrligi qarjy piramidalary men lombardtarǵa aldanǵan qazaqstandyqtardan aryz-shaǵym áli de túsip jatqanyn málim etken bolatyn.
