Kremldiń baspasóz hatshysy Dmitrii Peskov Aleksei Navalnyidyń "Dvorets dlia Pýtina" filmine qatysty pikir bildirdi, - dep habarlaidy Tengrinews.kz.
Onyń aitýynsha, bul - Vladimir Pýtinge arnalǵan taǵy bir "aqparattyq shabýyl" jáne "jalǵan zertteý". Kremldiń baspasóz hatshysynyń bul sózderin Mash Telegram arnasy keltirdi.
Aita keteiik, "Dvorets dlia Pýtina" filmi 32 349 318 ret qaralǵan. Filmge 837 976 pikir jazylǵan. Bireýler tipti ázildepti. "Pýtinniń ájethanasyndaǵy oryndyq páterińnen qymbat bolǵanda", "Okei, Gýgl: Pýtinniń týysqany bolýdyń joly bar ma?" deidi kei qoldanýshy.
"Biz Memleket basshysyna daiyndalyp jatqan "aqparattyq shabýyldar" týraly bilemiz. Ondai shabýyldar osyǵan deiin de boldy jáne ókinishke qarai, áli de jalǵasady. Bul jaǵdaida Prezident joq nárseni óz menshigine alady", - dedi Peskov Navalnyidyń "Dvorets dlia Pýtina" filmi jariialanǵannan keiin.
Peskov videoda jańashyldyq joq ekenin aitady. Ol "bul taqyryp osydan 3-4 jyl buryn talqylanyp qoiǵanyn da" qosa ketti.
"Belgili bir saraidaǵy basseinge júzip júrgen Pýtin keltiriledi. Eniseide júzip júrgen Pýtinniń kadrlary álemdi sharlaidy. Biraq bul - qurǵaq málimdeme.
Osy "keremet" materialdyń sońynda aqsha aýdarýdy suraityn shottar kórsetiledi. Meniń oiymsha, bul - osyndai materialdar men osyndai jalǵan zertteýlerdiń basty mindeti. Bul - lohotronnyń ózi. Biz barlyqtaryńyzǵa eskertemiz, ásirese film osyndai qaralym jinaǵan soń: osyndai alaiaqtarǵa aqsha aýdarý aldynda oilanyńyz, óitkeni halyqtan aqsha alatyn alaiaqtardyń mundai ádisteri únemi jetildirilip otyrady", - dedi Peskov.
