Besinshi qazaqstandyq bitimgershilik kontingenti «BUU-nyń Livandaǵy ýaqytsha kúshteri» missiiasyna qatysýyn aiaqtady. Olardyń ornyna Qazaqstan bitimgerleriniń altynshy quramy attandy, dep habarlaidy QR QM baspasóz qyzmeti.
Jarty jyl boiy qazaqstandyq bitimgershilik kontingenti jergilikti jerdi patrýldeý, blok-beketterde qyzmet atqarý, bazany kúzetý mindetterin oryndady, sondai-aq shtabtaǵy missiianyń sharalarǵa qatysty.
Bitimgerler maior Daniiar Záripovtyń basshylyǵymen júktelgen mindetterdi laiyqty deńgeide oryndap shyqty.
– Áskeri qyzmetshiler ózderine júktelgen joǵary jaýapkershilikti tolyq sezine bildi, óitkeni olar Qazaqstannyń Qarýly Kúshterin ǵana emes, sondai-aq búkil eldi BUU qoldaýymen álemdik qoǵamdastyq aldynda tanystyrdy. Jasaqtyń moraldyq-psihologiialyq jai-kúii joǵary deńgeide, – dedi komandir.
Bitimgerlerdiń aitýynsha, eldi mekender men olarǵa irgeles aýmaqtardy kúndelikti patrýldeý jaýapkershilik aimaǵynda jaǵdaidyń qalypty ekenin kórsetedi.
Qazaqstandyq áskeri qyzmetshiler Úndi bitimgershilik batalonynyń quramynda qyzmet atqarady. Bizdiń áskeri qyzmetshilerdiń kásibiligin missiia qolbasshylyǵy, sondai-aq birlesip patrýldeý júrgizetin Livan Respýblikasy Qarýly Kúshteriniń ókilderi birneshe ret atap ótti.
