بەسٸنشٸ قازاقستاندىق بٸتٸمگەرشٸلٸك كونتينگەنتٸ «بۇۇ-نىڭ ليۆانداعى ۋاقىتشا كٷشتەرٸ» ميسسيياسىنا قاتىسۋىن اياقتادى. ولاردىڭ ورنىنا قازاقستان بٸتٸمگەرلەرٸنٸڭ التىنشى قۇرامى اتتاندى, دەپ حابارلايدى قر قم باسپاسٶز قىزمەتٸ.
جارتى جىل بويى قازاقستاندىق بٸتٸمگەرشٸلٸك كونتينگەنتٸ جەرگٸلٸكتٸ جەردٸ پاترۋلدەۋ, بلوك-بەكەتتەردە قىزمەت اتقارۋ, بازانى كٷزەتۋ مٸندەتتەرٸن ورىندادى, سونداي-اق شتابتاعى ميسسييانىڭ شارالارعا قاتىستى.
بٸتٸمگەرلەر مايور دانييار زەرٸپوۆتىڭ باسشىلىعىمەن جٷكتەلگەن مٸندەتتەردٸ لايىقتى دەڭگەيدە ورىنداپ شىقتى.
– ەسكەري قىزمەتشٸلەر ٶزدەرٸنە جٷكتەلگەن جوعارى جاۋاپكەرشٸلٸكتٸ تولىق سەزٸنە بٸلدٸ, ٶيتكەنٸ ولار قازاقستاننىڭ قارۋلى كٷشتەرٸن عانا ەمەس, سونداي-اق بٷكٸل ەلدٸ بۇۇ قولداۋىمەن ەلەمدٸك قوعامداستىق الدىندا تانىستىردى. جاساقتىڭ مورالدىق-پسيحولوگييالىق جاي-كٷيٸ جوعارى دەڭگەيدە, – دەدٸ كوماندير.
بٸتٸمگەرلەردٸڭ ايتۋىنشا, ەلدٸ مەكەندەر مەن ولارعا ٸرگەلەس اۋماقتاردى كٷندەلٸكتٸ پاترۋلدەۋ جاۋاپكەرشٸلٸك ايماعىندا جاعدايدىڭ قالىپتى ەكەنٸن كٶرسەتەدٸ.
قازاقستاندىق ەسكەري قىزمەتشٸلەر ٷندٸ بٸتٸمگەرشٸلٸك باتالونىنىڭ قۇرامىندا قىزمەت اتقارادى. بٸزدٸڭ ەسكەري قىزمەتشٸلەردٸڭ كەسٸبيلٸگٸن ميسسييا قولباسشىلىعى, سونداي-اق بٸرلەسٸپ پاترۋلدەۋ جٷرگٸزەتٸن ليۆان رەسپۋبليكاسى قارۋلى كٷشتەرٸنٸڭ ٶكٸلدەرٸ بٸرنەشە رەت اتاپ ٶتتٸ.
