© Reuters
Úshinshi dúniejúzilik soǵystyń aldyn alý úshin Batystyń sheginýi - tyǵyryq, sebebi Úshinshi dúniejúzilik soǵys bastalyp ketti. Bul týraly Litvanyń eks-prezidenti Dalia Gribaýskaite málimdedi, - dep habarlaidy Tengrinews.kz agenttigi Delfi saityna silteme jasap.
"Úshinshi dúniejúzilik soǵys júrip jatyr. Ol eýropalyq. Bul tek Ýkrainamen soǵys emes. Bul Ekinshi dúniejúzilik soǵystan keiin qalyptasqan qaýipsizdik arhitektýrasyna qarsy búkil demokratiialyq álemge qarsy soǵys.
Ony bastaǵan da, jaǵdaidy qiyndatyp jatqan da biz emes. Eger artqa sheginsek, agressor basymyzǵa shyǵyp, qalyptasqan tártipti ózgertedi. Al onyń saldary jaman bolady, onymen kúrese almai qalamyz. Ásirese biz siiaqty kishi elder úshin", - deidi ol.
Gribaýskaiteniń sózinshe, Batys múldem basqa órkenietke tap bolady. Al Pýtin biligine qarapaiym adamdar emes, "áskeriler" men basqa da qarjy qurylymdary qoldaý bildiredi. Sonymen qatar, eks-prezident sanktsiialarǵa qatysty oiyn aitty.
"Eshqandai sanktsiia olardy oiynan ainytpaidy. Kerisinshe, batys elderi salyp jatqan sanktsiialar Batysqa qarsy adamdardy biriktiredi. Batys ókilderimen tamaqtanyp, ázildep: "olarǵa kún kórý úshin kartop, qiiar jáne taǵy basqa nárse ǵana kerek" degen edim. Biz, Batys ókilderi olarǵa bizdiń sýsabyn nemese basqa da nárse jetpei qalady dep oilaimyz. Olar onsyz da ómir súre alady jáne kez kelgen sanktsiiaǵa tótep bere alady", - deidi ol.
