«Barselona» fýtbol klýbynyń shabýylshysy Lionel Messi altynshy ret «Altyn býtsa» iegeri atandy, dep habarlaidy "Ult aqparat" euronews.com-ǵa silteme jasap.
Osy marapat jyl saiyn Eýropa elderiniń ishki chempionattarynyń ótken maýsymdaǵy úzdik surmergenine tapsyrylady. Ótken maýsymda argentinalyq juldyz La Ligada 36 gol soqqan.
«Men komandalastarym bolmasa bul marapatqa qol jetkize almaitynymdy aitaiyn. Bul – bárimizge ortaq marapat. Munymen komandamyz túgel moiyndalyp otyr. Barshaǵa rahmet keleside kezdeskenshe», - dedi Messi.
Aita keteiik, Messi bul nagradany alǵash ret 2009-2010 jylǵy maýsymda alǵan.
