Astanada turǵyn úi keshenindegi eki liftini qasaqana búldirgen er adam ustaldy. Oqiǵa saldarynan keltirilgen materialdyq shyǵyn kólemi 1,5 million teńgeni qurady, dep habarlaidy ult.kz.
Qalalyq politsiia departamentiniń málimetinshe, Táýelsizdik dańǵylyndaǵy turǵyn úi keshenderiniń birinde 34 jastaǵy er adam mas kúiinde ortaq múlikti búldirgen.
Tergeý derekterine sáikes, kúdikti aldymen bir, keiin ekinshi liftiniń esigin syndyrǵan. Ol lift esikterin qolymen julqyp ashyp, teýip jáne judyryǵymen uryp, nátijesinde kótergish jabdyqtardy isten shyǵarǵan.
Atalǵan fakti boiynsha bótenniń múlkin qasaqana joiý nemese búldirý baby boiynsha qylmystyq is qozǵaldy. Kúdikti ustalyp, tergeý amaldary júrgizilip jatyr.
