«E-Petition.kz» resmi portalynda «Biz QR-daǵy LGBT-ny ashyq jáne jasyryn nasihattaýǵa qarsymyz» petitsiiasy resmi qaralýy úshin qajetti qol jinady. Endi ony QR Mádeniet jáne aqparat ministrligi qarastyrýǵa mindetti. Bul týraly vedomstvonyń baspasóz qyzmeti málim etti.
«QR ÁRPK-niń 90-4-babyna sáikes, 50 000 qol jinalǵannan keiin, QR Mádeniet jáne aqparat ministrligi ótinishti qaraýǵa qabyldady. QR ÁRPK-niń 90-5-babyna sáikes, petitsiiany qaraý merzimi — ony tirkegen sátten bastap 40 jumys kúnine deiingi ýaqyt aralyǵyn qamtidy», — delingen habarlamada.
QR Mádeniet jáne aqparat ministrligi múddeli taraptardyń, memlekettik organdar men qoǵamdyq birlestikter ókilderinen quralǵan jumys tobynyń qyzmetin uiymdastyrady.
Ótinishti qaraý protsesi zańnama talaptaryna sáikes júrgiziletin bolady.
