.jpg)
Májilis depýtattary kiiz úide jartylai jalańash bilep, jelini shýlatqandardy jazalaýdy talap etti, dep habarlaidy "Ult Aqparat".
Búgin Parlamenttiń tómengi palatasynda ótken otyrysta depýtat Samat Musabaev kúni keshe áleýmettik jelide kiiz úidiń ishinde jartylai jalańashtanyp bilegen úsh azamat qazaqtyń ulttyq qundylyqtaryn qorlady dep esepteitindigin aitty. Ol qundylyqtarymyzǵa aqparattyq shabýyl bastaldy dep otyr.
Depýtat saýalynyń tolyq nusqasy:
Bizdiń depýtattyq saýalymyz
Qazaqstan Respýblikasynyń Bas prokýrory Berik Noǵaiuly Asylovqa
Qazaqstan Respýblikasynyń Ulttyq Qaýipsizdik Komitetiniń Tóraǵasy Ermek Aldabergenuly Saǵymbaevqa
Babadan qalǵan eń qasterli muramyzdyń biri – kiiz úi edi. San ǵasyr boiy handarymyzǵa eńsesi biik aq orda, halqymyzǵa qut uialaǵan baspana bolǵan sol kiiz úige jáne basqa da qunydylqtarymyzǵa aqparattyq shabýyl da bastaldy.
Kúni keshe oiýlaǵan kiiz úide ulttyq kiim kiip, jartylai jalańashtanyp oiqastaǵan úsheýdiń áleýmettik jelini sharlaǵan beineroligi isi qazaqtyń ashý-yzasyn týdyryp otyr. Halyqtyń buǵan narazylyǵy ábden oryndy.
Eń aiaýly dúnieńdi aiaqqa taptasa, ulttyq kiimmen jalańashtansa, tórińde áýretin ashyp tairańdasa – bul búkil ultty, deni qazaq, rýhy biik elimizdi qorlaýmen para-par.
Eń soraqysy – álgi jyn-oinaqtaǵy úsh uzynnyń ortadaǵy «siraqty primasy» ez eken.
Bul – halqymyzǵa qarsy mysyq tileýli, teris niettilerdiń aldyn ala jete oilastyryp, qazaqy dúnieni, ulttyq qundylyqtardy qunsyzdandyrýǵa, mazaq etýge baǵyttalǵan qasaqana jaýlyq áreketi dep bilemiz.
Tal túste tórimizde tairańdaǵany – naǵyz basynǵandyq. Olar búgin tórimizde tairańdasa, erteń tóbemizde oinamasyna kim kepil?! Sondyqtan buǵan kóz jumyp qarap, jai qaldyra salýǵa bolmaidy.
«Albasty qabaqqa qarap basady» degen. Bul birinshiden, qoǵamnyń osy áreketke qalai ún qatatynyn baiqaiyn degen astyrtyn syr tartý tásili bolsa, ekinshiden, LGBT nasihatyna tosqaýyl qoimaq talapqa degen ashyq qarsylyq, úshinshiden, óskeleń býyndy óz ulttyq qundylyqtarynan jerindirý áreketi.
Bul máseleni biz bir top depýtat byltyr Májilis minberinen kóterip, barlyq platformalarda, áleýmettik jelilerde ulttyq mádenietimizge sáikes kelmeitin aqparattyq ónimderdi taratýǵa tyiym salýǵa, teris aǵymdardy nasihattaityn aqparat kózderinen saqtaityn zań normalaryn ázirleýdi usynǵan bolatynbyz.
Al taiaýda qoǵam belsendileri LGBT nasihatyna qarsy petitsiia jariialaǵan edi. Nebári 2 aptada osy talapty qoldap, 50 myń qol jinaldy.
Bul – LGBT-niń elimizge qajetsiz ári jat qubylys ekendiginiń, oǵan halyqtyń ashyq qarsylyǵynyń anyq kórinisi.
Alda ótetin petitsiia qorytyndysyn qaraý otyrysyna qoǵam belsendilerin, ult janashyrlaryn belsene qatysýǵa shaqyramyn.
Beineroliktegi ulttyq qundylyqtarymyzdy qorlaý kórinisi – ábden shekten shyqqandyq. Sondyqtan quqyq qorǵaý organdary osy másele boiynsha naqty quqyqtyq baǵasyn berýi tiis.
Budan bylai ulttyq qundylyqtarymyz – dombyra, qobyz, kiiz úi, ulttyq kiim, ulttyq taǵam sekildi asyl jádigerlerimizdi qandai-da teris maqsatta paidalaný, mazaq etý – ult namysyna qol suǵý, ulttyń bedelin túsirýge baǵyttalǵan qylmystyq áreket dep baǵalanyp, qylmystyq jaýaptylyqpen jazalanýy tiis.
Qoryta kele, Qazaqstan Respýblikasynyń Bas Prokýratýrasyna, Ulttyq Qaýipsizdik komitetine atalǵan beinerolik boiynsha quqyqtyq baǵa berip, oǵan qatysty naqty shara qoldanýdy suraimyz.
Ata dástúrimizge qol suǵý – ulttyq qaýipsizdigimizge nuqsan keltirý, ulttyq qundylyqtardy túbirimen joiýmen tepe-teń.
Qurmetpen, QR Parlamenti Májilisiniń depýtattary:
S. Mýsabaev
E. Jańbyrshin
E. Beisenbaev
E. Barlybaev
I. Qazybek
E. Beisenbaev
A. Sadyqov
