"Barselona" jáne Polsha quramasynyń shabýylshysy Robert Levandovskidi qoltańba berý kezinde tonap ketti, - dep habarlaidy Tengrinews.kz agenttigi Vesti.kz portalyna silteme jasap.
Sport.es saity málimetinshe, oqiǵa oiynshy kóliginiń terezesinen qoltańba berip jatqan sátte bolǵan. Eki qaraqshy kóliktiń jolaýshy otyratyn esigin ashyp, fýtbolshynyń qolynan quny 75 000 eýroǵa baǵalanǵan saǵatyn alyp ketken.
Levandovski politsiiamen qaraqshylardy qýǵan. Sóitip, politseiler qaraqshylardy ustaǵan. Levandovskige saǵaty qaitaryldy.
Eske salaiyq, 19 shildede "Barselona" 2014 jyldan beri "Bavariia" sapynda oinap júrgen Levandovskidiń aýysqanyn jariialaǵan bolatyn. Osy ýaqyt ishinde ol 375 matchke qatysyp, 344 gol soǵyp, 72 nátijeli pas bergen.
