"بارسەلونا" جەنە پولشا قۇراماسىنىڭ شابۋىلشىسى روبەرت لەۆاندوۆسكيدٸ قولتاڭبا بەرۋ كەزٸندە توناپ كەتتٸ, - دەپ حابارلايدى Tengrinews.kz اگەنتتٸگٸ Vesti.kz پورتالىنا سٸلتەمە جاساپ.
Sport.es سايتى مەلٸمەتٸنشە, وقيعا ويىنشى كٶلٸگٸنٸڭ تەرەزەسٸنەن قولتاڭبا بەرٸپ جاتقان سەتتە بولعان. ەكٸ قاراقشى كٶلٸكتٸڭ جولاۋشى وتىراتىن ەسٸگٸن اشىپ, فۋتبولشىنىڭ قولىنان قۇنى 75 000 ەۋروعا باعالانعان ساعاتىن الىپ كەتكەن.
لەۆاندوۆسكي پوليتسييامەن قاراقشىلاردى قۋعان. سٶيتٸپ, پوليتسەيلەر قاراقشىلاردى ۇستاعان. لەۆاندوۆسكيگە ساعاتى قايتارىلدى.
ەسكە سالايىق, 19 شٸلدەدە "بارسەلونا" 2014 جىلدان بەرٸ "باۆارييا" ساپىندا ويناپ جٷرگەن لەۆاندوۆسكيدٸڭ اۋىسقانىن جارييالاعان بولاتىن. وسى ۋاقىت ٸشٸندە ول 375 ماتچكە قاتىسىپ, 344 گول سوعىپ, 72 نەتيجەلٸ پاس بەرگەن.
