Qaraǵandy oblysy Shahtinsk qalasy Lenin atyndaǵy shahtada bes kenshiniń ómirin qiǵan apatqa bailanysty tergeý aiaqtaldy. Komissiia músheleri jumys berýshiniń 100 paiyz kinási baryn anyqtady, - dep habarlaidy Tengrinews.kz agenttigi.
Arnaiy tergeýdiń qorytyndysyn Tótenshe jaǵdailar ministri Iýrii Ilin málimdedi. Ol Lenin atyndaǵy shahtadaǵy apatqa metan men kómir shańynyń kóp shoǵyrlanýy sebep bolǵanyn, sonyń saldarynan tutaný týyndaǵanyn atap ótti.
"Tergeý barysynda kómir departamentiniń, Lenin atyndaǵy shahtanyń injenerlik-tehnikalyq qyzmetkerleri tarapynan tiisti baqylaýdyń joqtyǵy anyqtaldy. Shyǵaryndylar qaýipti ýchaskeniń boljaý qyzmetiniń shtaty taý-ken sheberlerimen qamtylmaǵan, is júzinde 13 adam bolǵan, al esep boiynsha 25 adam bolýy tiis. Sondai-aq, aerogazbaqylaý qyzmetiniń shtaty da qamtylmaǵan. 16 elektroslesar bolǵan, negizi 25 bolýy kerek", - dep atap ótti Iýrii Ilin.
Tótenshe jaǵdailar ministrliginiń basshysy komissiia zań buzýshylyqqa jol bergen 26 adamdy anyqtaǵanyn aitty. Olardyń qatarynda "ArselorMittal Temirtaý" kompaniiasynyń bas direktory Bijý Nair men Kómir departamentiniń direktory Gelson Batista bar.
Arnaiy tergeý materialdary politsiiaǵa tapsyrylady. Sońǵy protsessýaldyq sheshim sotqa deiingi tergep-tekserý aiaqtalǵannan keiin qabyldanady, dep basa aitty ministr.
