قاراعاندى وبلىسى شاحتينسك قالاسى لەنين اتىنداعى شاحتادا بەس كەنشٸنٸڭ ٶمٸرٸن قيعان اپاتقا بايلانىستى تەرگەۋ اياقتالدى. كوميسسييا مٷشەلەرٸ جۇمىس بەرۋشٸنٸڭ 100 پايىز كٸنەسٸ بارىن انىقتادى, - دەپ حابارلايدى Tengrinews.kz اگەنتتٸگٸ.
ارنايى تەرگەۋدٸڭ قورىتىندىسىن تٶتەنشە جاعدايلار مينيسترٸ يۋريي يلين مەلٸمدەدٸ. ول لەنين اتىنداعى شاحتاداعى اپاتقا مەتان مەن كٶمٸر شاڭىنىڭ كٶپ شوعىرلانۋى سەبەپ بولعانىن, سونىڭ سالدارىنان تۇتانۋ تۋىنداعانىن اتاپ ٶتتٸ.
"تەرگەۋ بارىسىندا كٶمٸر دەپارتامەنتٸنٸڭ, لەنين اتىنداعى شاحتانىڭ ينجەنەرلٸك-تەحنيكالىق قىزمەتكەرلەرٸ تاراپىنان تيٸستٸ باقىلاۋدىڭ جوقتىعى انىقتالدى. شىعارىندىلار قاۋٸپتٸ ۋچاسكەنٸڭ بولجاۋ قىزمەتٸنٸڭ شتاتى تاۋ-كەن شەبەرلەرٸمەن قامتىلماعان, ٸس جٷزٸندە 13 ادام بولعان, ال ەسەپ بويىنشا 25 ادام بولۋى تيٸس. سونداي-اق, اەروگازباقىلاۋ قىزمەتٸنٸڭ شتاتى دا قامتىلماعان. 16 ەلەكتروسلەسار بولعان, نەگٸزٸ 25 بولۋى كەرەك", - دەپ اتاپ ٶتتٸ يۋريي يلين.
تٶتەنشە جاعدايلار مينيسترلٸگٸنٸڭ باسشىسى كوميسسييا زاڭ بۇزۋشىلىققا جول بەرگەن 26 ادامدى انىقتاعانىن ايتتى. ولاردىڭ قاتارىندا "ارسەلورميتتال تەمٸرتاۋ" كومپانيياسىنىڭ باس ديرەكتورى بيجۋ ناير مەن كٶمٸر دەپارتامەنتٸنٸڭ ديرەكتورى گەلسون باتيستا بار.
ارنايى تەرگەۋ ماتەريالدارى پوليتسيياعا تاپسىرىلادى. سوڭعى پروتسەسسۋالدىق شەشٸم سوتقا دەيٸنگٸ تەرگەپ-تەكسەرۋ اياقتالعاننان كەيٸن قابىلدانادى, دەپ باسا ايتتى مينيستر.
