Túrkistan oblysy, Keles aýdanyndaǵy 8 eldi mekenniń ataýy aýysty, dep habarlaidy QazAqparat.
Túrkistan oblysy ákimdiginiń qaýlysy men Túrkistan oblystyq máslihatynyń birlesken sheshimine sáikes, Keles aýdany Aqtóbe aýyldyq okrýginiń M.Gorkii aýyly budan bylai «Keńdala» atalady.
Al, Aqtóbe aýyldyq okrýginiń ortalyǵy Qyzylásker aýyly «Lesbek batyr» ataýyna ie boldy. Sondai-aq, aýdandaǵy Ordjinikidze aýyly «Sámbet Sattarov», Dimitrovo aýyly «Oraz ata», Ázerbaijan eldi mekeni «Kóltoǵan», Lenin joly aýyly «Aqjol», Pervoe maia aýyly «1 mamyr», Kommýnizm eldi mekeni «Ashysai» bolyp ózgertildi.
«Táýelsizdiktiń arqasynda óńirimiz aýmaǵyndaǵy otarshyldyq pen totalitarlyq dáýirlerden qalǵan ataýlardan birtindep arylyp kelemiz. Bul jumystardyń artynda ziialy qaýym men túrli qoǵamdyq birlestikterdiń jáne jergilikti onomastika komissiialary tarapynan uzaq jyldar boiy tynymsyz júrgizilgen júieli jumys nátijesinde qol jetkizdik» - deidi aýdandyq onomastika salasyna jaýapty, ishki saiasat, mádeniet, tilderdi damytý jáne sport bólimi basshysynyń orynbasary Erbol Nazarov.
