Foto: Viktor Fediýnin/QazAqparat HAA
Týrizm jáne sport ministrligi «Dene shynyqtyrý jáne sport» salasyndaǵy zańǵa ózgerister men tolyqtyrýlar engizý boiynsha Zań jobasyn ázirledi. Zań jobasyndaǵy ózgeristerdiń biri legioner sportshylarǵa qatysty limitti zańmen bekitý normasy engizilmek, dep habarlaidy «Ult aqparat» Kazinform-ǵa silteme jasap.
Májilis depýtaty Nartai Sársenǵaliev áleýmettik jelidegi jeke paraqshasynda endigi ýaqytta legioner sportshylarǵa 1 tiyn berilmeitini týraly málimdeme jasady.
«Adam estimegen sport túrlerine aqsha berip kelgen ministrliktiń sheshimi de toqtatyldy. 180 sport túri qysqartylady. Tiisti normany Úkimet qoldady», - dep jazdy Nartai Sársenǵaliev jelidegi paraqshasynda.
Halyq qalaýlysynyń málimetinshe, Qazaqstan Respýblikasynyń keibir zańnamalyq aktilerine dene shynyqtyrý jáne sport, sondai-aq normalardyń artyq (shamadan tys) zańnamalyq reglamenttelýin bolǵyzbaý máseleleri boiynsha ózgerister men tolyqtyrýlar engizý týraly» Zańynyń 49 babynyń birinshi bóligine sáikes «Qazaqstan Respýblikasynyń azamattary bolyp tabylmaityn sportshylardy biýdjet qarajaty esebinen qarjylandyrýdy júzege asyrýǵa tyiym salynady. Sondai-aq, Nartai Sársenǵaliev Qazaqstan Respýblikasynyń azamattary bolyp tabylmaityn sportshylardy kvazimemlekettik sektor sýbektileriniń qarajaty esebinen qarjylandyrýǵa jol berilmeitinin aityp otyr.
Osy oraida dene shynyqtyrý jáne sport zańyndaǵy ózgerister men tolyqtyrýlarǵa qatysty Týrizm jáne sport ministrligine saýal joldaǵan edik.
«Memleket basshysynyń Qazaqstan halqyna joldaýy men 2024 jylǵy 27 tamyzda Olimpiada júldegerlerimen kezdesý kezinde bergen tapsyrmalaryna sáikes, qazirgi tańda, «Dene shynyqtyrý jáne sport» salasyndaǵy zańǵa ózgeristermen tolyqtyrýlar engizý boiynsha Zań jobasy ázirlendi. Zań jobasynda qarastyrýda ózgeristerdiń biri retinde legioner sportshylarǵa qatysty limitti zańmen bekitý normasy engizilgen. Kásibi komandalyq sport klýbtaryna arnalǵan qarjylandyrý limitterin bekitý jáne sporttyń basym túrlerin aiqyndaý quzyreti sport salasyndaǵy ýákiletti organǵa beriledi. Bul rette, sport salasynda tikelei biriktirilgen basqarý júiesin engizý kózdelýde», - delingen agenttik joldaǵan resmi saýal jaýabynda.
Qazir atalǵan zań jobasy Májilistiń qaraýynda.
«Zańǵa engizilgen taǵy bir ózgeris memlekettik biýdjetten qarjylandyrylatyn sport túrleri úsh sanatqa bólinedi, ol negizgi», medaldyq jáne ulttyq sport. Qazirgi tańdaǵy 180 sport túrinen olimpiadalyq jáne ulttyq sport túrlerin jáne Aziia oiyndarynyń baǵdarlamasyna kiretin sport túrlerin qaldyrý josparlanyp otyr. Legioner sportshylarǵa qatysty kásibi komandalyq sport klýbtaryna arnalǵan qarjylandyrý limitterin bekitý jáne sporttyń basym túrlerin aiqyndaý quzyreti sport salasyndaǵy ýákiletti organǵa berilýi qarastyrylǵan», - degen jaýap aldyq ministrlikten.
