Tashkentte Shanhai ynytymaqtastyq uiymyna múshe elderdiń kóshbasshy áielderi bas qosqan halyqaralyq forým ótýde. Biylǵy forým «Turaqty damýdy qamtamasyz etýde áielderdiń rólin arttyrý» taqyrybyn tańdaǵan, dep habarlaidy QR Prezidentiniń janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń baspasóz qyzmeti.
Onlain túrde uiymdastyrylǵan Forýmǵa Qazaqstannan QR Prezidenti janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń tóraiymy Lázzat Ramazanova qatysty.
«Álem halqynyń jartysynan kóbin qamtityn Shanhai yntymaqtastyq uiymyna múshe elderdiń aldynda qazir aimaqtyq jáne jahandyq syn-qaterler tur. Atap aitsaq, pandemiia tusynda ult saýlyǵyn, qaýipsizdigin qamtamasyz etý, klimattyń ózgerýi syndy ortaq máselelermen qatar, genderlik teńdik máselesi de tur. Bul rette Qazaqstanda áielderdiń quqyǵy jáne múmkindikterin arttyrý, qazaqstandyq otbasylardyń ál-aýqatyn jaqsartý máselelerinde úkimettik deńgeide jańa mehanizmder men instrýmentter qabyldanyp otyr dep senimmen aita alamyn», - dedi Lázzat Ramazanova.
Ulttyq komissiianyń basshysy Qazaqstandaǵy áielderdiń sailaýǵa qatysýy, kvazimemlekettik sektorlarda basshylyq quramda áielder sanynyń artýy jáne óńirlerde Isker áielderdi qoldaý ortalyqtarynyń ashylýy jaiynda sóz qozǵady. Sondai-aq Qazaqstanda kezeń-kezeńmen daǵdarysty eńserý jáne turaqty damýdyń kúntártibin ilgerletýge yqpal etetin Genderlik teńdik týraly bilim ortalyǵyn ashý maqsaty bar ekenin málimdedi.
«Qazirgi ýaqytta áilderdiń ómir sapasyn arttyrý jolynda barshamyzǵa ortaq máseleler bar. Sondyqtan da osy baǵytta jumyla kúsh biriktiretin Ortaq is-áreketterdiń jol kartasy qajet. Shanhai yntymaqtastyq uiymyna múshe elderdiń ýákiletti organdary arasynda genderlik teńdik salasyndaǵy yntymaqtastyq týraly qol qoiylatyn memorandým yqpaldastyqty nyǵaitýǵa septigin tigizedi», - dep atap ótti spiker.
Lázzat Ramazanova aitqandai, erler men áielder arasyndaǵy teńdikti naqty qamtamasyz etý jolynda alda atqarylar is kóp.
«Tepe-teńdikke jetýdiń ózi jappai teńdik printsipterin ilgerletýimizge bailanysty. Áielderdiń kóshbasy jáne oń ózgeristerdiń qozǵaýshy kúshi bola alatynyn, barlyq salalarda paidaly daǵdylar men jańa ideialardy alyp kele alatynyn túsingenimiz asa mańyzdy», - dep Lázzat Ramazanova is-shara qatysýshylaryna oi tastady.
Sóz sońynda Ulttyq komissiia basshysy Forýmnyń jumysy jáne qol qoiylǵan Memorandým, Shanhai yntymaqtastyq uiymyna múshe elderdegi azamattardyń ómir sapasyn arttyrýǵa jáne teń quqyly yntymaqtastyq negizine súiengen seriktestiktiń nátijesinde, aimaqta turaqty damýdy qamtamasyz etý maqsattaryna jetýge septigin tigizetinine senim bildirdi.
