Bala depoziti – balalardyń bolashaǵy úshin qarjy salýdyń eń senimdi quraldarynyń biri. Ortalyq kommýnikatsiialar alańynda ótken baspasóz máslihatynda «Otbasy bank» AQ tóraǵasy Lázzat Ibragimova osylai dedi, dep habarlaidy "Ult aqparat".
«Eger bala kámelet jasqa tolmasa, onda ol óziniń zeinetaqy jinaǵyn paidalana almaidy. Sol úshin balalarǵa arnalǵan depozit ashýdyń mańyzy zor. Bizdiń «Otbasy bankte» 180 myńnan astam bala depoziti bar. «Arnaý depoziti» dep atalatyn arnaiy tariftik baǵdarlama jumys istep tur. Eger siz 7-8 jyldan astam ýaqyt aqsha jinap júrseńiz, sizde arnaiy tarif, nesie mólsherlemesi bolyp, jyldyq úsh paiyz qosylyp otyrady», - dep túsindirdi Lázzat Ibragimova.
Onyń aitýynsha bala depozitinen aqsha alý kúrdeli sharýa.
«Ony alý úshin Qamqorlyq organdarynan odan basqa mekemelerden de ruqsat kerek. Sol sebepti bul - balalardyń bolashaǵyna salym salýdyń eń senimdi quraldarynyń biri. Bárin de aqsha jinaýǵa shaqyramyn», - dedi ol.
