© Sputnik / Vladislav Vodnev
Shymkenttegi jastar resýrstyq ortalyǵynyń qyzmetkerleri áleýmettik jelide basshylyqtyń laik talap etip, orynsyz jazalap jatqanyn aityp shaǵymdanǵan bolatyn. Shymkenttegi ortalyq kommýnikatsiialar qyzmetindegi brifingte ákim orynbasary Sársen Quranbek oqiǵaǵa qatysty túsinikteme berdi, dep habarlaidy Ult.kz Sputnik Qazaqstanǵa silteme jasap.
Jastar ortalyǵy qyzmetkerleriniń aitýynsha, olar ortalyqtyń áleýmettik jelidegi jazbalaryna laik baspasa, jazbasha sógis, sondai-aq aýyzsha eskertý alady eken. Al qala ákimi Sársen Quranbek laik-qa muqtaj emespiz deidi.
"Biz laik-qa muqtaj emespiz. Jastar resýrstyq ortalyǵynyń ózindik jumysy bar. Shymkentte 400 myńǵa jýyq jas bolsa, onyń áleýmettik az qamtylǵan toptary bar. Sonyń barlyǵyna jetkizý úshin osyndai áreketke barǵany anyqtaldy. Ortalyq basshysyna sógis jariialandy", - deidi qala ákiminiń orynbasary.
"Laik baspai sógis aldym" degen sóz shyndyqqa janaspaidy deidi Sársen Quranbek.
"Ortalyqtaǵy psiholog maman laik úshin emes, jumys barysynda jibergen qateligi boiynsha sógis alǵan. Ol týraly túsindirme jumystary júrgizilip, zańnamany durys qoldaný kerektigi ortalyq basshysyna eskertildi", - deidi qala ákimi.
Qalalyq ishki saiasat basqarmasynyń basshysy Aigerim Jumaǵulova bul jaǵdaidy estimegenin, estise der kezinde shara qoldanatynyn aitty.
"Jastar ortalyǵy basshysynyń qyzmetkerlerden laik talap etkeni ras. Biraq bul eki maman arasyndaǵy kikiljiń. Ózara sheshiletin máselege bola ortalyq basshysyn qyzmetinen bosatý meniń ustanymyma jatpaidy. Ortalyq basshysy bul oqiǵaǵa qatysty keshirim surap, óz erkimen jumystan ketý týraly ótinish jazǵan", - deidi Aigerim Jumaǵulova.
