Aqtaýlyq bloger Azamat Sársenbaev qysta qyzǵylt qoqiqazdar ushyp keletin Qarakól kóline lai sý qalai quiylyp jatqanyn túsirip alǵan. Ol jaqyn mańdaǵy demalys ortalyqtary men qonaqúiler, sonyń ishinde bes juldyzdy Rixos ta paidalanǵan sýyn kólge quiyp jatqanyn aitty, - dep habarlaidy Tengrinews.kz.
"Árine, týrizmdi damytyp, bizneske jaǵdai jasaý kerek ekenin túsinemin, biraq investorlar óz isin órkenietti elde júrgizip jatqanyn umytpaýy kerek. Bárin adamgershilikpen isteýge bolmai ma? (...) Bul másele bizdiń jergilikti kásipkerlerge, demalys oryndarynyń, sanatoriilerdiń jáne t.b. ielerine de qatysty. Árkim bul kólge artyq qaldyqtardy tógip jatyr", - dep jazdy Sársenbaev video sipattamasynda.
Rixos Water World Aktau qonaqúii kólge qandai sý quiylatynyn túsindirdi.
"Rixos Water World Aktau qonaqúiiniń basshylyǵy Aqtaý qalasyndaǵy "Aktau Resort Hotel monofýnktsional qonaqúi-týristik kesheniniń qurylysy, I kezek" jobalyq qujattamasyna sáikes Rixos Water World Aktau qonaqúiindegi sarqyndy sýlar Rixos Water World Aktau qonaqúiiniń aýmaǵynda ornalasqan tazartý stantsiiasyna jiberiledi dep málimdeidi. Kóp kezeńdi tazartýdan (fizikalyq, biologiialyq súzgileý, dehlorlaý júiesi, keri osmospen tazartý) jáne zararsyzdandyrýdan keiin sý Qarakól kóline jiberiledi. Sý burýǵa jobalyq qujattamalar úshin oń qorytyndylar alyndy. Qorytyndy quramynda budan basqa emissiiaǵa (tazartylǵan sýdy Qarakól kóline aǵyzý) ruqsattar bar", - dedi qonaqúi basqarýshysy Serik Isaǵaliev.
Basshynyń aitýynsha, sýlar Aqtaý qalasynyń tazartý ornyna arnaiy kólikpen tasymaldanady.
Rixos Water World Aktau Kaspii teńiziniń jaǵasynda, Aqtaý qalasynan 20 shaqyrym jerde ornalasqan.
Ekologiia, geologiia jáne tabiǵi resýrstar ministrliginiń baspasóz qyzmeti Qarakól kóline sý aǵyzý deregin tekseretinin habarlady.
