RF Syrtqy ister ministrligi Resei joǵary oqý oryndarynda bilim alyp júrgen qazaqstandyq stýdentter úshin shekaranyń ashylýyna bailanysty oń sheshimdi kútip otyr, dep habarlaidy "Ult aqparat".
«Reseide bilim alyp júrip, bul protsesti jalǵastyrǵysy kelgen jáne eldiń JOO-na endi ǵana oqýǵa túsken sheteldik stýdentterge bailanysty týyndaǵan problema arnaiy qaraldy», - dedi Resei Syrtqy ister ministri Sergei Lavrov QR SIM basshysy Muhtar Tileýberdimen ekijaqty kezdesý qorytyndylary boiynsha ótken baspasóz máslihaty kezinde.
«Sheshim Reseidiń Syrtqy ister jáne bilim ministrlikteriniń birlesken usynystary negizinde qabyldandy. Biz barlyq eldiń, sonyń ishinde Qazaqstan stýdentteriniń bizge oqýǵa keletinderdiń arasynda birinshi bolǵanyn qalaimyz. Naqty merzim aldaǵy ýaqytta belgili bolady», - dep atap ótti S.Lavrov.
«Mundaǵy sheshim – apta saiyn elge keletin stýdentterdiń sanyn bólý. Men bul máseleniń bir aidyń ishinde sheshiletinine senemin», - dedi reseilik SIM basshysy.
S.Lavrov sondai-aq Qazaqstan men Resei arasyndaǵy shekaranyń ashylýy eki taraptyń epidemiologiialyq jaǵdaiǵa qatysty sheshimderine bailanysty ekenin qosyp ótti.
«Jalpy túsinik bar – bárimiz qalypty ómirge tezirek oralǵymyz kelip otyr. Koronavirýsqa qarsy kúres pen pandemiiaǵa qatysty jalpy jaǵdai osyny aldaǵy bolashaqta iske asyrýǵa múmkindik beretinine úmittenemin», - dep túiindedi ministr.
