Almaty qalasynda Qazaqstan Respýblikasynyń Ulttyq kitaphanasynyń májilis zalynda Qazaqstan Respýblikasy Mádeniet jáne sport ministrligi Til saiasaty komiteti men Shaisultan Shaiahmetov atyndaǵy «Til-Qazyna» ulttyq ǵylymi-praktikalyq ortalyǵynyń uiymdastyrýymen 2019 «Latyn grafikasyna kóshý jumystarynyń nátijesi jáne aldaǵy mindetter» atty Ulttyq komissiia janynan qurylǵan Orfografiialyq, Ádistemelik, Terminologoiialyq jáne Saraptama-tehnikalyq jumys toptarynyń birikken otyrysy ótti.
Otyrysqa Til saiasaty komitetiniń tóraǵasy Ǵ.Meldeshov jáne Orfografiialyq, Ádistemelik, Terminologiialyq, Saraptama-tehnikalyq jumys toptaryny músheleri qatysty.
Shaisultan Shaiahmetov atyndaǵy «Til-Qazyna» ulttyq ǵylymi-praktikalyq ortalyǵynyń atqarýshy direktory Erbol Tileshov «Atqarylǵan jumystar men mindetter», A. Baitursynuly atyndaǵy Til bilimi institýtynyń Onomastika bóliminiń meńgerýshisi Rysbergen Qyzdarhan «Qazaqstan azamattary aty-jónderiniń jáne Qazaqstan geografiialyq ataýlarynyń latyngrafikaly álipbi negizinde jazylý erejeleri», A. Baitursynuly atyndaǵy Til bilimi institýtynyń Grammatika bóliminiń meńgerýshisi Orynai Jubaeva «Qazaq tiliniń pýnktýatsiialyq erejesi» jáne Shaisultan Shaiahmetov atyndaǵy «Til-Qazyna» ulttyq ǵylymi-praktikalyq ortalyǵynyń ǵalym hatshysy Anar Fazyljanova «Álipbidi jetildirýge bailanysty aprobatsiialyq jumystar nátijesi» taqyrybynda baiandamalar jasady.
Sonymen birge jumys toptarynyń músheleri aldaǵy ýaqytta atqarylatyn jumystarǵa bailanysty usynystary naqtylandy.
Sharaǵa qatysýshy Janat Aimaǵanov latyn grafikasyna negizdelgen qazaq álipbiin jetildirýge qatysty jobasyn usynyp, ǵalymdar tarapynan talqylandy.
Otyrysta Ulttyq komissiia janynan qurylǵan 4 jumys tobynyń latyn grafikasyna kóshý boiynsha 2019 jyly atqarylǵan jumystary qorytyndylandy. Jumys toby músheleriniń ádistemelik quraldar ázirleýdegi esebi tyńdaldy.
