Latyn álipbiine ótýimiz kerek - ol anyq dúnie. Men bul bastamany qoldaimyn. Biz ol arqyly túrki tildes halyqtarǵa bir qadam jaqyndaimyz, - dedi jazýshy, Memlekettik syilyqtyń laýreaty, QR UǴA akademigi Serik Qirabaev.
Almatylyq ziialy qaýym «Rýhani jańǵyrý» baǵdarlamasyaiasynda qazaq tilin latyn álipbiine kóshirýge qatysty pikirlerin bildirdi. Akademik Serik Qirabaev túrki halyqtarynyń mádenieti, sózdik quramy latyn álipbiinde jazylǵandyqtan, olardy zertteýde ońaiǵa túsedi degen pikir aitty.
«Túp negizinde latyn álipbiine kóshý - túrki tildes baýyrlarmen tolyq yntymaqtastyq ornatýmen teń. Negizi buryn bizde latyn álipbiinde jazyp, oqyǵanbyz. Sol kezde jazylǵan qanshama jádigerler zerttelmei nemese aýdarmanyń arqasynda óz qundylyǵyn joǵaltyp aldy emes pe?!
Máńgi el bolamyz desek, onda biz máńgi qalatyn tilimizdi, álipbiimizdi jasaýymyz kerek. Bul jumysty óte muqiiat jáne qoǵammen sanasa otyryp júrgizsek, jaqyn arada nátijesine jetemiz dep oilaimyn», - dedi QRUǴA akademigi Serik Qirabaev.
Aita keteiik, QR Prezidenti Nursultan Nazarbaevtyń «Bolashaqqa baǵdar: rýhani jańǵyrý» baǵdarlamalyq maqalasyn júzege asyrý aiasynda Parlament tyńdaýynda qazaq tiliniń latyn grafikasyndaǵy álipbi jobasy usynylǵan bolatyn.
