Sondai-aq, sala mamandary usynǵan latyn álipbiine negizdelgen pernetaqta Lenovo kompaniiasynyń synaǵynan ótkizildi, dep habarlaidy QazAqparat.
«Latyn álipbiine negizdelgen pernetaqtany synaqtan ótkizý jumystary kezinde áripterdiń Unikod standarttaryna sai emes jerleri belgili boldy. Bastaǵan kezde ár áriptiń pernetaqtada qalai turatynyn bilgen joqpyz. Qazir sony pernetaqtaǵa salyp synaýdyń múmkindigi týdy. Biyl Lenovo kompaniiasymen birge latyn álipbiine negizdelgen pernetaqta shyǵaryp, testileý rejiminen ótkizgenbiz. Sonyń qorytyndysyna sáikes, árip terý kezinde ártúrli kedergiler týǵyzatyn áripter bar ekeni málim boldy. Iaǵni ǵalymdar usynǵan kei tańbalar Unikod standartyna sai kelmeitin bolyp shyqty. Osy kúnge deiin myńnan astam mamanmen latyn álipbiine kóshý boiynsha ádistemelik jumys júrgizdik. Onyń ishinde ártúrli býyn men sala ókilderiniń pikirleri alyndy. Ózderińiz biletindei, keshe Prezident sonyń barlyǵyn júielep, usynylǵan túzetýlerdi engizýdi tapsyrdy», – dedi QR Mádeniet jáne sport vitse-ministri Nurǵisa Dáýeshev OKQ-de ótken baspasóz máslihatynda.
Ministr orynbasarynyń málimdeýinshe, elordada ótetin til forýmy aiasynda ǵalymdar daiyndaǵan latyn grafikasynyń oqytý-úiretý ádistemeleri tanystyrylady.
«24 qazan kúni Til forýmynda jańa álipbige negizdelgen oqytý jáne úiretý ádistemeleri, latyn grafikasynyń IT tehnologiialarǵa beiimdelgen jobalary tanystyrylady. Forýmnyń maqsaty da sol - Elbasy tapsyrmasyna sáikes, qazaq tilin latyn grafikasyna kóshirý baǵytynda atqarylǵan jumystardy talqylaý. Sonymen qatar, forýmda qazaq tiliniń qoldanylý aiasyn keńeitý máseleleri qaralady», - deidi ol.
Aita ketsek, buǵan deiin habarlaǵanymyzdai, 24 qazan kúni elordada «Jahandaný jáne ulttaný úderisindegi qazaq tiliniń ómirsheńdigi» taqyrybynda til forýmy ótedi.
