Qazaq tiliniń latyn álipbiine arnalǵan pernetaqtasynyń eki nusqasy Ahmet Baitursynov atyndaǵy til bilimi institýtynda tanystyryldy, dep habarlaidy Sputnik.
Pernetaqtany jasap shyǵarǵandar qazaq tilinde eń jii qoldanylatyn áripterdi anyqtaǵan. Olardyń qorytyndysy boiynsha, sózdik qordyń 80%-ynda negizinen 42 áriptiń 19-y paidalanylady.
Institýttyń bas ǵylymi qyzmetkeri Asqar Jubanov "Almaty" telearnasyna bergen suhbatynda aitqandai, ǵalymdar sózderdiń alty-jeti milliondai qoldanysyn qarastyryp, qazaq tiliniń bes stilin qamtyǵan.
Birinshi nusqada standartty pernetaqtany tolyqtai ózgertip, kóbinese qatar kezdesetin áripterdi birge ornalastyrdy. Ekinshi nusqada – standartty pernetaqta esh ózgertilmegen, biraq oń jaqta latyn áripteriniń batyrmalary turady.
Eki nusqa da bilim jáne ǵylym ministrligine jiberildi.
Prezident Nursultan Nazarbaevtyń buiryǵymen Qazaqstanda memlekettik til kezeń-kezeńimen latyn álipbiine kóshedi. Is-qaǵazdary, baspa jáne oqýlyqtar 2025 jylǵa qarai aýysýy tiis. Álipbide qazaq tiliniń tól áripteri úshin diakritikalyq tańbalar qoldanylmaq.
