Latviia parlamenti "Kelisim" fraktsiiasynyń depýtaty Ianis Adamsonsty tintip, depýtattyń ózin qamaýǵa alýǵa kelisim berdi. Bul týraly Delfi agenttigi habarlady, dep jazady Azattyq.
Sheshimdi parlament depýtattarynyń 69-y qoldaǵan, beseýi qarsy shyqqan. Tórt adam qalys qalǵan.
Beisenbi kúni tańerteń parlamenttiń bas prokýratýraǵa depýtat jóninde suraý salǵany belgili bolǵan. Beiresmi málimet boiynsha, Adamsons Reseidiń paidasyna tyńshylyq jasady degen kúdikke ilinip otyr. Onyń Máskeýge qandai qupiia qujat bergeni ázirge belgisiz.
Saiasatkerdiń ózi aiypty joqqa shyǵarady. Seim otyrysynda Ianis Adamsons qylmystyq is jóninde jýrnalisterden estigenin aityp, ózin ne úshin aiyptap otyrǵanyn túsinbeitinin jetkizdi. RBK-nyń jaýzynsha, ol "mafiia qurylymdary qarymta shabýyl jasap jatyr" dep málimdegen. Agenttik Reseidiń Latviiadaǵy elshiligine suraý salǵan.
Adamsons Kiev joǵary áskeri-teńiz saiasi ýchilishesin támamdaǵan. 1979-1991 jyldary aralyǵynda Qiyr Shyǵysta áskerde bolǵan. 1991 jyly tamyz aiynda SSSR-diń shekara qyzmetinen ketý týraly ótinish berip, Latviiaǵa ketken. Ol jaqta memlekettik shekara qyzmetine jetekshilik etti, keiin ishki ister ministrligin basqardy.
Britandyq BBC saitynyń jazýynsha, osyǵan deiin Ianis Adamsons birneshe ret daýǵa qalǵan. Ol "SSSR KGB-synyń burynǵy qyzmetkeriniń mártebesine qatysty" bas prokýratýramen daýlasqan. Is sotqa deiin jetken.
Adamsons Latviia parlamentiniń qorǵanys, ishki ister jáne jemqorlyqpen kúres komissiiasynyń múshesi. Ol Latviiadaǵy orystildi diasporanyń múddesin qorǵaityn "Kelisim" oppozitsiialyq sotsial-demokratiialyq partiiasyna múshe.
