Latviianyń AirBaltic áýe kompaniiasy Belarýs tóbesinen ushýdan bas tartty. Bul týraly Latviianyń kólik ministri Talis Linkaitske súiengen Delfi portaly habarlady.
Portaldyń jazýynsha, mundai sheshim belarýs politsiiasynyń Minskige qonýǵa májbúr bolǵan ushaqtan NEXTA telegram-arnasynyń burynǵy bas redaktory Roman Protasevichti ustap áketkennin keiin qabyldanǵan. Belarýste oǵan Minskide "jappai tártipsizdik uiymdastyrdy" jáne "áleýmettik arazdyq týdyrdy" degen aiyptar taǵylǵan.
Afinydan Vilniýske qarai ushqan Ryanair áýe kompaniiasynyń reisi jeksenbi kúni ushaqqa bomba qoiylǵany týraly aqparattan keiin Belarýs astanasyna tótenshe jaǵdaida qonǵan edi. Tóbede lainerdi belarýstiń MiG-29 istrebiteli baqylap júrdi. Bomba jaily habar ótirik bolyp shyqty.
Latviianyń kólik ministri bul oqiǵa Belarýs áýe keńistiginiń qaýipsizdigi jaily túrli suraqtardy týyndatady dep málimdedi.
