Lańkester Balqash mańyndaǵy reseilik áskeri bólimdi jaryp jibermek bolǵan, - dep habarlaidy kaz.tengrinews.kz tilshisi UQK ókilderine silteme jasap.
"Maýsym aiynda Qaraǵandy oblysynda radikal tulǵalardyń bir-birimen bailanysqan toptarynyń áreketine tosqaýyl qoiyldy. Bul toptarǵa shetelden qazaqstandyq sodyrlar jetekshilik etken. Olardyń biriniń músheleri qarýly qaqtyǵystar aimaǵyna barmaq bolǵan jáne Qazaqstan shekarasyn zańsyz kesip ótýi kezinde ustaldy. Olar birneshe nysandy kózdegen, olardyń ishinde Balqash mańyndaǵy reseilik áskeri bólim bolǵan", - dep habarlady UQK ókilderi.
Arnaiy operatsiianyń nátijesinde bul lańkestik josparlardyń joly kesildi. Ulttyq qaýipsizdik organdaryna jergilikti turǵyndar kómektesti.
8 adam qamaýǵa alynyp, taǵy bireýi ustaý kezinde ózin-ózi jaryp jibergen.
4 shron tabyldy, olardy radikaldar Balqash qalasynyń túbine, Gúlshat eldi mekenine jáne Balqash stantsiiasyndaǵy lańkes turatyn úidiń baqshasyna ornatqan. Bul týraly lańkestiń ata-anasy bilmegen.
Shrondardan qarý-jaraq, oq-dári, qoldan jasalǵan jarylǵysh zattardyń bólshekteri, himiialyq zattar, jarylys jasaýǵa arnalǵan initsiatsiialar, metall elementter tárkilengen.
Radikaldar jarylǵysh zattardy daiyndaý úshin burandalar men shegeniń bastary bar turmystyq zattar qoldanǵan. Adam joq jerlerde jarylǵysh zattardyń qýatyn tekserý úshin tájiribe de jasalǵan.
"Top músheleri osyndai eki jarylǵysh zat jasaǵan, bul hattar "shahidterdiń belbeýine" uqsas bolǵan, olardyń birin radikal ózin-ózi jarýǵa qoldanǵan. Tárkilengen zattar osyndai 50 qoldan jasaýǵa bolatyn qurylǵy daiyndaýǵa jetedi. Bizdiń sarapshylardyń baǵalaýy boiynsha, jarylǵysh zattardyń mundai mólsheri kópqabatty bir úidi joiyp jiberýge bolady eken", - dedi UQK ókilderi.
Vedomstvonyń málimetinshe, ustalǵandarǵa qatysty QR Qylmystyq kodeksiniń 24-baby "Qylmysqa daiyndalý jáne qylmysqa oqtalý", 257-baby "Terroristik top qurý, oǵan basshylyq etý jáne onyń áreketine qatysý", 287-baby "Qarýdy, oq-dárilerdi, jarylǵysh zattardy jáne jarylys qurylǵylaryn zańsyz iemdený, berý, ótkizý, saqtaý, tasymaldaý nemese alyp júrý" jáne 288-baby "Qarýdy zańsyz jasaý" boiynsha sotqa deiingi tergeý sharalary júrgizilip jatyr.
Eske salaiyq, Qaraǵandy oblysynda lańkes ózin-ózi jaryp jibergen edi. "2016 maýsymda Balqash qalasynda jáne Qaraǵandy oblysyndaǵy Gúlshat eldi mekeninde qoldan jasalǵan jarylǵysh zattardy qoldana otyryp, terroristik aktiler uiymdastyrýdy josparlaǵan radikal toptyń joly kesildi", - dep málimdegen edi QR UQK baspasóz qyzmetindegiler.
Tolyǵyraq:https://kaz.tengrinews.kz/kazakhstan_news/lankester-balkash-manyindagyi-reseylk-askeri-bolmd-jaryip-272445/
Materialdy kóshirip basqanda Kaz.tengrinews.kz saityna gipersilteme mindetti túrde qoiylýy tiis. Avtorlyq quqyqty saqtańyz.
