Oblys ákimdiginiń apparattyq otyrysynda Qyzylorda oblysynyń energetika jáne turǵyn úi-kommýnaldyq sharýashylyq basqarmasynyń bastyǵy Medet Ýsain jylý berý maýsymyna daiyndyq barysy týraly baiandady.
Esterińizge sala keteiik, aǵymdaǵy jyldyń 4 mamyrynda aimaq basshysynyń tapsyrmasyna sáikes jylý berý maýsymyna daiyndyq boiynsha oblystyq shtab qurylyp, is-sharalar jospary bekitildi.
«Aldaǵy jylý berý maýsymyna daiyndyq jumystary bekitilgen is-sharalarǵa sáikes júrgizilýde. Onyń ishinde «Qyzylorda jylýelektrortalyǵy» MKK №6, 9 bý qazandyqtaryna, №3, 6 gaz týrbinalyq qondyrǵylaryna, «Qyzylorda ońtústik jylý ortalyǵy» filialy men «Qazaly Temirjoljylý» qazandyqtaryna kúrdeli jáne aǵymdaǵy jóndeý jumystary 90%-ǵa oryndaldy. «Nurly jol» baǵdarlamasymen 8 joba boiynsha 7 shaqyrym jylý jelilerine kúrdeli jóndeý jumystary 87%-ǵa aiaqtaldy. Barlyq jumystar 1 qazanǵa deiin tolyq bitedi»,-dedi Medet Ýsain.
Sonymen qatar, «Qyzylorda ońtústik jylý ortalyǵy» filialynyń shatyryna kúrdeli jóndeý jumystary 80 paiyzǵa oryndaldy. Jóndeý jumystary aǵymdaǵy jyldyń 10 qazanynda aiaqtalady. «Qyzylorda elektr taratý toraptary kompaniiasy» AQ-nyń elektr jelileri men transformatorlyq stantsiialaryna kúrdeli jáne aǵymdaǵy jóndeý jumystary 94%-ǵa oryndaldy.
«KazTransGazAimaq» AQ-nyń Qyzylorda óndiristik filialy aldaǵy jylý berý maýsymyna daiyndyq jumystaryn tolyǵymen oryndady. «Qyzylorda Sý júiesi» MKK-de jyl basynan beri «Nurly jol» baǵdarlamasymen 14 joba boiynsha sý qubyry men káriz júiesin qaita jańǵyrtý jumystaryn 92%-ǵa jetkizdi.
Jylý berý maýsymyna daiyndyq boiynsha áleýmettik nysandardyń 100 paiyzyna jáne kishi qazandyqtardyń 97 paiyzyna jóndeý jumystary júrgizildi. Sonymen qatar, ortalyqtandyrylǵan jylý júiesine qosylǵan kópqabatty turǵyn úilerdiń 96% jylý maýsymyna daiyn (743 úidiń 713-i, qalǵan 30 kópqabatty turǵyn úidiń ójirilerin jylý júielerine qosýǵa daiyndaý kerek).
Aimaq basshysy áleýmettik nysandar men turǵyn úilerdi jylýmen qamtamasyz etý máselesin erekshe nazarǵa alýdy tapsyrdy. Atap óteiik, aldaǵy jylý berý maýsymynda áleýmettik-mádeni nysandarǵa 28 myń tonna kómir men 25 myń tonna suiyq otyn qajet bolsa, jergilikti turǵyndardyń qajettiligi – 207 myń tonnany quraidy.
