Biyl Qyzylorda oblysynda rezidentýraǵa 25 granttan bólek, aimaqtyń mektep jáne meditsinalyq kolledjderiniń úzdik túlekterine oblys ákimininiń granttary bólinetin bolady. Bul týraly oblys ákimi Qyrymbek Kósherbaev Meditsina qyzmetkeri kúnine arnalǵan saltanatty jiynda habarlady.
Oblystyq mýzykalyq drama teatrynda Meditsina qyzmetkerleriniń kúnine arnalǵan saltanatty shara ótkizildi. Qyzylorda oblysynyń ákimi Qyrymbek Kósherbaev dárigerlerdi kásibi merekelerimen quttyqtap, aimaqta meditsina salasyn damytý boiynsha ótkizilip jatqan jumystar týraly baiandap berdi. Atap aitqanda, sońǵy 3 jyldan beri qajetti meditsinalyq mamandyqtar boiynsha rezidentýraǵa granttar bólinip jatyr, aǵymdaǵy jyly da 25 grant bólindi.
«Biyldan bastap orta mektepter men meditsina kolledjderiniń úzdik bitirýshilerine oblys ákiminiń arnaiy granty taǵaiyndalyp otyr. Grant arqyly olarǵa oqý bitirgenshe qoldaý kórsetiletin bolady. Oblys boiynsha jergilikti biýdjet qarajaty esebinen qajetti mamandyqtarǵa qaita daiarlaýǵa 2017 jyly 68 mln teńge bólinse, 2018 jyly 2 esege ulǵaiyp, 130 mln teńge qarastyryldy. Aita ketý kerek, biyl mamandarymyz Koreia memleketinde jáne Resei, Tatarstan Respýblikasynyń Qazan qalasynda bilimin jetildirýge, Qytai, Avstriia, Resei mamandarymen tájiribe almasyp, ozyq tehnologiialardy engizýge múmkindik alyp otyr», - dedi aimaq basshysy.
Jyl qorytyndysy boiynsha úzdik qyzmetker atanǵan dárigerlerge 500 myń teńgege sertifikattar tabystaldy.
Is-shara merekelik kontserttik baǵdarlamamen aiaqtaldy.
Esterińizge sala keteiik, «Tsifrly Qazaqstan» memlekettik baǵdarlamasyna sáikes sala meditsinalyq aqparattyq júiemen 100 paiyz qamtylsa, tsifrlyq tehnologiialardy engizýge, kompiýterlendirýge jergilikti biýdjetten aǵymdaǵy jylǵa 365 mln teńge qarjy bólindi. Odan bólek, densaýlyq saqtaý salasynda memlekettik-jekemenshik áriptestik te qarqyndy damýda. 2017 jyly 4 joba iske asyrylsa, 2018 jylǵa jalpy quny 14,0 mlrd. teńgeni quraityn 28 jobany iske asyrý josparlanýda.
Densaýlyq saqtaý salasynyń infraqurylymyn jetildirý maqsatynda sońǵy 5 jyl ishinde jalpy quny 27,4 mlrd. teńgege 58 nysan paidalanýǵa berildi, onyń ishinde 49-y apattyq jaǵdaidaǵy nysandar ornyna salyndy.
Atqarylǵan sharalar jalpy ólim-jitimdi 4 paiyzǵa, onyń ishinde náresteler ólimin 41,2 paiyzǵa, qaterli isikten - 22,8 paiyzǵa, týberkýlezden - 2 esege azaitýǵa múmkindik berdi. Nátijesinde, oblys halqynyń kútiletin ómir súrý uzaqtyǵy sońǵy bes jylda 2 jyl 6 aiǵa artyp, 72,2 jasty qurady.
Atap óteiik, endigi kezekte Qazaly aýdandyq aýrýhana bazasynda Aral, Qazaly, Qarmaqshy aýdandary men Baiqońyr turǵyndaryna kardiologiialyq ortalyq ashý, Aral jáne Shieli aýdandarynda 150 tósektik ortalyq aýrýhanalardyń jumysyn aiaqtaý, Qazaly aýdanyndaǵy Áiteke bi kentinde 250 kelýshige, Qyzylorda qalasyndaǵy Tasbóget kentinde memlekettik jekeshelik áriptestik negizinde reabilitatsiialyq ortalyǵy bar 250 kelýshige arnalǵan emhana, sol jaǵalaýda kópbeiindi 300 tósek-oryndyq aýrýhana qurylysyn bastaý tur.
