بيىل قىزىلوردا وبلىسىندا رەزيدەنتۋراعا 25 گرانتتان بٶلەك, ايماقتىڭ مەكتەپ جەنە مەديتسينالىق كوللەدجدەرٸنٸڭ ٷزدٸك تٷلەكتەرٸنە وبلىس ەكٸمٸنٸنٸڭ گرانتتارى بٶلٸنەتٸن بولادى. بۇل تۋرالى وبلىس ەكٸمٸ قىرىمبەك كٶشەرباەۆ مەديتسينا قىزمەتكەرٸ كٷنٸنە ارنالعان سالتاناتتى جيىندا حابارلادى.
وبلىستىق مۋزىكالىق دراما تەاترىندا مەديتسينا قىزمەتكەرلەرٸنٸڭ كٷنٸنە ارنالعان سالتاناتتى شارا ٶتكٸزٸلدٸ. قىزىلوردا وبلىسىنىڭ ەكٸمٸ قىرىمبەك كٶشەرباەۆ دەرٸگەرلەردٸ كەسٸبي مەرەكەلەرٸمەن قۇتتىقتاپ, ايماقتا مەديتسينا سالاسىن دامىتۋ بويىنشا ٶتكٸزٸلٸپ جاتقان جۇمىستار تۋرالى بايانداپ بەردٸ. اتاپ ايتقاندا, سوڭعى 3 جىلدان بەرٸ قاجەتتٸ مەديتسينالىق ماماندىقتار بويىنشا رەزيدەنتۋراعا گرانتتار بٶلٸنٸپ جاتىر, اعىمداعى جىلى دا 25 گرانت بٶلٸندٸ.
«بيىلدان باستاپ ورتا مەكتەپتەر مەن مەديتسينا كوللەدجدەرٸنٸڭ ٷزدٸك بٸتٸرۋشٸلەرٸنە وبلىس ەكٸمٸنٸڭ ارنايى گرانتى تاعايىندالىپ وتىر. گرانت ارقىلى ولارعا وقۋ بٸتٸرگەنشە قولداۋ كٶرسەتٸلەتٸن بولادى. وبلىس بويىنشا جەرگٸلٸكتٸ بيۋدجەت قاراجاتى ەسەبٸنەن قاجەتتٸ ماماندىقتارعا قايتا دايارلاۋعا 2017 جىلى 68 ملن تەڭگە بٶلٸنسە, 2018 جىلى 2 ەسەگە ۇلعايىپ, 130 ملن تەڭگە قاراستىرىلدى. ايتا كەتۋ كەرەك, بيىل ماماندارىمىز كورەيا مەملەكەتٸندە جەنە رەسەي, تاتارستان رەسپۋبليكاسىنىڭ قازان قالاسىندا بٸلٸمٸن جەتٸلدٸرۋگە, قىتاي, اۆسترييا, رەسەي ماماندارىمەن تەجٸريبە الماسىپ, وزىق تەحنولوگييالاردى ەنگٸزۋگە مٷمكٸندٸك الىپ وتىر», - دەدٸ ايماق باسشىسى.
جىل قورىتىندىسى بويىنشا ٷزدٸك قىزمەتكەر اتانعان دەرٸگەرلەرگە 500 مىڭ تەڭگەگە سەرتيفيكاتتار تابىستالدى.
ٸس-شارا مەرەكەلٸك كونتسەرتتٸك باعدارلامامەن اياقتالدى.
ەستەرٸڭٸزگە سالا كەتەيٸك, «تسيفرلى قازاقستان» مەملەكەتتٸك باعدارلاماسىنا سەيكەس سالا مەديتسينالىق اقپاراتتىق جٷيەمەن 100 پايىز قامتىلسا, تسيفرلىق تەحنولوگييالاردى ەنگٸزۋگە, كومپيۋتەرلەندٸرۋگە جەرگٸلٸكتٸ بيۋدجەتتەن اعىمداعى جىلعا 365 ملن تەڭگە قارجى بٶلٸندٸ. ودان بٶلەك, دەنساۋلىق ساقتاۋ سالاسىندا مەملەكەتتٸك-جەكەمەنشٸك ەرٸپتەستٸك تە قارقىندى دامۋدا. 2017 جىلى 4 جوبا ٸسكە اسىرىلسا, 2018 جىلعا جالپى قۇنى 14,0 ملرد. تەڭگەنٸ قۇرايتىن 28 جوبانى ٸسكە اسىرۋ جوسپارلانۋدا.
دەنساۋلىق ساقتاۋ سالاسىنىڭ ينفراقۇرىلىمىن جەتٸلدٸرۋ ماقساتىندا سوڭعى 5 جىل ٸشٸندە جالپى قۇنى 27,4 ملرد. تەڭگەگە 58 نىسان پايدالانۋعا بەرٸلدٸ, ونىڭ ٸشٸندە 49-ى اپاتتىق جاعدايداعى نىساندار ورنىنا سالىندى.
اتقارىلعان شارالار جالپى ٶلٸم-جٸتٸمدٸ 4 پايىزعا, ونىڭ ٸشٸندە نەرەستەلەر ٶلٸمٸن 41,2 پايىزعا, قاتەرلٸ ٸسٸكتەن - 22,8 پايىزعا, تۋبەركۋلەزدەن - 2 ەسەگە ازايتۋعا مٷمكٸندٸك بەردٸ. نەتيجەسٸندە, وبلىس حالقىنىڭ كٷتٸلەتٸن ٶمٸر سٷرۋ ۇزاقتىعى سوڭعى بەس جىلدا 2 جىل 6 ايعا ارتىپ, 72,2 جاستى قۇرادى.
اتاپ ٶتەيٸك, ەندٸگٸ كەزەكتە قازالى اۋداندىق اۋرۋحانا بازاسىندا ارال, قازالى, قارماقشى اۋداندارى مەن بايقوڭىر تۇرعىندارىنا كارديولوگييالىق ورتالىق اشۋ, ارال جەنە شيەلٸ اۋداندارىندا 150 تٶسەكتٸك ورتالىق اۋرۋحانالاردىڭ جۇمىسىن اياقتاۋ, قازالى اۋدانىنداعى ەيتەكە بي كەنتٸندە 250 كەلۋشٸگە, قىزىلوردا قالاسىنداعى تاسبٶگەت كەنتٸندە مەملەكەتتٸك جەكەشەلٸك ەرٸپتەستٸك نەگٸزٸندە رەابيليتاتسييالىق ورتالىعى بار 250 كەلۋشٸگە ارنالعان ەمحانا, سول جاعالاۋدا كٶپبەيٸندٸ 300 تٶسەك-ورىندىق اۋرۋحانا قۇرىلىسىن باستاۋ تۇر.
